________________ पण्णवणासुत्तं प० 18 509 एवं एए वि छत्तीसं आलावगा भाणियव्वा / कण्हलेसे गं भंते ! मणुस्से कण्हलेसाए इत्थियाए कण्हलेसं गम्भं जणेजा 1 हंता गोयमा! जणेजा, एवं एए छत्तीसं आलाचगा। कम्मभूमयकण्हलेसे ण भंते ! मणुस्से कण्हलेसाए इत्थियाए कण्हलेसं गन्भं जणेजा ! हंता गोयमा ! जणेजा, एवं एए छत्तीसं आलावगा। अकम्मभूमयकण्हलेसे० मणुस्से अकम्मभूमयकण्हलेसाए इत्थियाए अकम्मभूमयकण्हलेसं गम्भं जणेजा 1 हंता गोयमा! जणेजा, णवरं चउसु लेसासु सोलस आलावगा, एवं अंतरदीवगाण चि // 531 / / छट्ठो उद्देसओ समत्तो॥ पण्णवणाए भगवईए सत्तरसमं लेस्सापमं समत्तं / / अट्ठारसमं कायटिइपयं जीव गइंदिय काए जोए वेए कसायलेसा य / सम्मत्तणाणदंसण संजय उवओग आहारे // 1 // भासगपरित्त पजत्त सुहुम सण्णी भवऽत्थि चरिमे य / एएसि तु पयाणं कायठिई होइ णायच्वा / / 2 / / जीवे णं भंते ! जीवेत्ति कालओ केवच्चिरं होइ ? गोयमा ! सव्वद्धं // दारं 1 // 532 // णेरइए णं भंते ! णेरइएत्ति कालओ केवच्चिरं होइ ? गोयमा ! जहण्णेणं दस वाससहस्साई, उक्कोसेणं तेत्तीसं सागरोवमाई / तिरिक्खजोणिए णं भंते ! तिरिक्खजोणिएत्ति कालओ केवच्चिरं होइ ? गोयमा ! जहण्णेणं अंतोमुहत्तं, उक्कोसेणं अणंतं कालं, अणंताओ उस्सप्पिणिओसप्पिणीओ कालओ, खेत्तओ अणंता लोगा, असंखेजा पोग्गलपरियट्टा, ते णं पुग्गलपरियट्टा आवलियाए असंखेजइभागे / तिरिक्खजोणिणी णं भंते ! तिरिक्खजोणिणित्ति कालओ केवच्चिरं होइ ? गोयमा ! जहण्णेणं अंतोमुहुत्तं, उक्कोसेणं तिण्णि पलिओवमाई पुवकोडिपुहुत्तममहियाइं / एवं मणुस्से वि, मणुस्सी वि एवं चेव / देवे णं भंते ! देवेत्ति कालओ केवच्चिरं होइ ? गोयमा ! जहेच णेरइए / देवी गं भंते ! देवित्ति कालओ केवच्चिरं होइ ! गोयमा ! जहण्णेणं दस वाससहस्साई, उकोसेणं पणपणे पलिओवमाई / सिद्धे णं भंते ! सिद्धेत्ति कालओ केवच्चिर होइ? गोयमा ! साइए अपजवसिए / णेरइयअपजत्तए णं भंते ! णेरइयअपजत्तएत्ति. कालओ केवच्चिरं होइ ? गोयमा ! जहण्णेण वि उक्कोसेण वि अंतोमुहुत्तं, एवं जाव देवी अपजत्तिया / णेरइयपजत्तए णं भंते ! णेरइयपजत्तएत्ति कालओ केव
