________________ पण्णवणासुत्तं प० 17 उ. 5 507 अणंतगुणा, जहण्णगा णीललेसठाणा पएसट्टयाए असंखेजगुणा, एवं कण्हतेउपम्हलेसहाणा, जहण्णगा सुक्कलेसठाणा पएसट्टयाए असंखेजगुणा, जहण्णएहितो सुकलेसठाणेहितो पएसट्ठयाए उक्कोसा काउलेसठाणा पएसट्टयाए असंखेजगुणा, उक्को सया णीललेसठाणा पएसट्टयाए असंखेजगुणा, एवं कण्हतेउपम्हलेसट्टाणा, रक्कोसया सुक्कलेसठाणा पएसट्टयाए असंखेजगुणा / / 527 // पण्णवणाए भगवईए सत्तरसमस्स लेस्सापयस्स चउत्था उद्देसओ समत्तो। .. लेस्सापए पंचमो उद्देसओ कइ णं भंते ! लेसाओ पण्णत्ताओ ? गोयमा ! छलेसाओ पण्णत्ताओ। तंजहाकण्हलेसा जाव सुक्कलेसा / से गूणं भंते ! कण्हलेसा णीललेसं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुजो भुजो परिणमइ ? इत्तो आढत्तं जहा च उत्थओ उद्देसओ तहा भाणियव्वं जाव वेरुलियमणिदिटुंतोत्ति // 528 // से णूणं भंते ! कण्हलेसा णीललेसं पप्प णो तारूवत्ताए जाव णो ताफासत्ताए भुजो 2 परिणमइ ? हंता गोयमा! कण्हलेसा णीललेसं पप्प णो तारूवत्ताए, णो तावण्णत्ताए, णो तागंधत्ताए, णो तारसत्ताए, णो ताफासत्ताए भुजो 2 परिणमइ / से केणटेणं भंते ! एवं वुच्चइ० 1 गोयमा! आगारभावमायाए वा से सिया, पलिभागभावमायाए वा से सिया। कण्हलेसा णं सा, णो खलु सा णीललेसा, तत्थ गया ओमक्कइ उस्सक्का वा, से तेणटेणं गोयमा ! एवं वुच्चइ-'कण्हलेसा णीललेसं पप्प णो तारूवत्ताए जाव भुजो 2 परिणमई' / से गूणं भंते ! णीललेसा काउलेसं पप्प णो तारूवत्ताए जाव भुजो 2 परिणमइ ? हंता गोयमा ! णीललेसा काउलेसं पप्प णो तारूवत्ताए जाव भुजो 2 परिणमइ / से केणट्टेणं भंते ! एवं वुच्चइ-'णीललेसा काउलेसं पण णो तारूवत्ताए जाव भुजो 2 परिणमई' ? गोयमा ! आगारभावमायाए वा सिया, पलिभागभावमायाए वा सिया। णीललेसा णं सा, णो खलु सा काउलेसा, तत्थगया ओसक्कई उस्सक्कइ वा, से एएणटेणं गोयमा! एवं बुच्चइ-'णीललेसा काउलेसं पप्प णो तारूवत्ताए जाव भुजो 2 परिणमई' * एवं काउलेसा तेउलेसं पप्प, तेउलेसा पम्हलेसं पप्प, पम्हलेसा सुक्कलेसं पप्प / से णूणं भंते ! सुक्कलेसा पम्हलेसं पप्प णो तारूवत्ताए जाव परिणमइ ! हंता गोयमा! सुक्कलेसा तं चेव / से केणद्वेणं भंते! एवं वुच्चइ-'सुकलेसा जाव णो परिणमइ' ? गोयमा! आगारभावमायाए वा जाव
