________________ 462 अनंगपविट्ठसुत्ताणि कजइ / तत्थ णं जे ते पमत्तसंजया तेसिं दो किरियाओ कजंति-आरंभिया मायावत्तिया य / तत्थ णं जे ते संजयासंजया तेसि तिणि किरियाओ कजंति, तंजहा आरंभिया परिग्गहिया मायावत्तिया / तत्थ णं जे ते असंजया तेसिं चत्तारि किरियाओ कजंति, तंजहा-आरंभिया परिग्गहिया मायावत्तिया अपच्चक्खाणकिरिया / तत्थ णं जे ते मिच्छादिट्ठी जे सम्मामिच्छदिट्ठी तेसि णियइयाओ पंच किरियाओ कजंति, तंजहा-आरंभिया परिग्गहिया मायावत्तिया अपच्चक्खाणकिरिया मिच्छा. दंसणवत्तिया, सेमं जहा णेरइयाणं // 483 // वाणमंतराणं जहा असुरकुमाराणं / एवं जोइसियवेमाणियाण वि, णवरं ते वेयणाए दुविहा पण्णत्ता / तंजहा-माइमिच्छदिट्ठीउववण्णगा य अमाइसम्म दिट्ठीउववण्णगा य / तत्थ णं जे ते माइमिच्छदिट्ठीउववण्णगा ते गं अप्पवेयणतरागा, तत्थ णं जे ते अमाइसम्मदिट्ठीउववण्णगा ते णं महावेयणतरागा, से तेणट्टेणं गोयमा ! एवं वुच्चहः / सेसं तहेव // 484 // सलेसा णं भंते ! णेरइया सव्वे समाहारा, समसरीरा, समुस्सासणिस्सासा-सव्वे वि पुच्छा / गोयमा ! एवं जहा ओहिओ गमओ तहा सलेसागमओ वि गिरवसेसो भाणियव्वो जाव वेमाणिया / कण्हलेसा णं मंते ! णेरइया सव्वे समाहारा-पुच्छा। गोयमा ! जहा ओहिया, णवरं णेरइया वेयणाए माइमिच्छदिट्ठीउववण्णगा य अमाइसम्मदिट्ठीउववण्णगा य भाणियव्वा, सेसं तहेव जहां ओहियाणं / असुरकुमारा जाव वाणमंतरा एए जहा ओहिया, णवरं मणुस्साणं किरियाहिं विसेसो-जाव तत्थ णं जे ते सम्मदिट्ठी ते तिविहा पण्णत्ता। तंजहा-संजया असंजया संजयासंजया य, जहा ओहियाणं / जोइसियवेमाणिया आइल्लियासु तिसु लेसासु ण पुच्छिलंति / एवं जहा किण्हलेसा विचारिया तहा णीललेसा वि विचारेयव्वा / काउलेसा णेरइएहितो आरम्भ जाव वाणमंतरा, णवरं काउलेसा णेरइया वेयणाए जहा ओहिया / तेउलेसाणं भंते ! असुरकुमाराणं ताओ चेव पुच्छाओ / गोयमा ! जहेव ओहिया तहेव, णवरं वेयणाए जहा जोइसिया। पुढविआउवणस्सइपंचेंदियतिरिक्खमणुस्सा जहा ओहिया तहेव भाणियव्वा, णवरं मणूसा किरियाहिं जे संजया ते पमत्ता य अपमत्ता य भाणियव्वा, सरागा वीयरागा णस्थि / वाणमंतरा तेउलेसाए जहा असुरकुमारा, एवं जोइसियवेमाणिया वि, सेसं तं चेव / एवं पम्हलेसा वि भाणियव्वा, णवरं जेसिं अस्थि / सुक्कलेस्सा वि तहेव जेसिं अस्थि, सव्वं तहेव जहा ओहियाणं गमओ, णवरं पम्हलेस्ससुक्कलेस्साओ पंचेंदियतिरिक्खोणियमणूसवेमा
