________________ पण्णवणासुत्तं प० 3 381 लोए असंखेजगुणा / खेत्ताणुवाएणं सव्वत्थोवा तसकाइया पजत्तया तेलोके उड्ढलोयतिरियलोय असंखेजगुणा, अहोलोयतिरियलोए संखेजगुणा, उड्ढलोए खेजगुणा, अहोलोए संखेजगुणा, तिरियलोय असंखेजगुणा // 24 दारं // 210 // एएसि णं भंते ! जीवाणं आउयस्स कम्मस्स बंधगाणं अबंधगाणं पज्जत्ताणं अपज्जत्ताणं सुत्ताणं जागराणं समोहयाणं असमोहयाणं सायावेयगाणं असायावेयगाणं इंदिओवउताणं णोइंदिओवउत्ताणं सागारोवउत्ताणं अणागारोवउत्ताण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा आउयस्स कम्मस्स बंधगा 1, अपज्जत्तया संखेज्जगुणा 2, सुत्ता संखेज्जगुणा 3, समोहया संखेज्जगुणा 4, सायावेयगा संखेजगुणा 5, इंदिओवउत्ता संखेज्जगुणा 6, अणागारोवउत्ता संखेजगुणा ७,सागारोवउत्ता संखेजगुणा ८,णोइंदिओवउत्ता विसेसाहिया 9, असायावेयगा विसेसाहिया 10, असमोहया विसेसाहिया 11, जागरा विसेसाहिया 12, पज्जत्तया विसेसाहिया 13, आउयस्स कम्मस्स अबंधया विसेसाहिया 14 // 25 दारं ॥२.१।।खेत्ताणुवाएणं सव्वत्थोवा पुग्गला तेलोक्के, उड्ढलोयतिरियलोए अणंतगुणा, अहोलोयतिरियलोए विसेसाहिया, तिरियलोए असंखेजगुणा, उड्ढलोए असंखेज्जगुणा, अहोलोए विसेसाहिया। दिसाणुवाएणं सव्वत्थोवा पुग्गला उड्ढदिसाए, अहोदिसाए विसेसाहिया, उत्तरपुरच्छिमेणं दाहिणपञ्चत्थिमेण उ दोवि तुल्ला असंखेज्जगुणा, दाहिणपुरच्छिमेणं उत्तरपञ्चत्थिमेण य दोवि विसेसाहिया, पुरच्छिमेणं असंखेज्जगुणा, पञ्चत्थिमेणं विसेसाहिया, दाहिणेणं विसेसाहिया, उत्तरेणं विसेसाहिया / खेत्ताणुवाएणं सव्वत्थोवाइं दव्वाइं तेलोक्के, उडढलोयतिरियलोए अणंतगुणाई, अहोलोयतिरियलोए विसेसाहियाई,उड्ढलोए असंखेजगुणाई,अहोलोए अणंतगुणाई, तिरियलोए संखेजगुणाई / दिसाणुवाएणं सव्वत्थोवाइं दव्वाइं अहोदिसाए, उड्ढदिसाए अणंतगुणाई, उत्तरपुरच्छिमेणं दाहिणपञ्चत्थिमेण य दोवि तुल्लाई असंखेजगुणाई, दाहिणपुरच्छिमेणं उत्तरपञ्चत्थिमेण य दोवि तुल्लाई विसेसाहियाई पुरच्छिमेणं असंखेज्जगुणाई, पञ्चत्थिमेणं विसेसाहियाई दाहिणेणं विसेसाहियाई, उत्तरेणं विसेसाहियाई // 212 // एएसि णं भंते ! परमाणुपोग्गलाणं संखेज्जपए सियाणं असंखेज्जपएसियाणं अणंतपएसियाण य खंधाणं दव्वट्ठयाए पएसड्याए दव्वट्ठपएसट्टयाए कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा अणंतपएसिया खंधा दवट्ठयाए, परमाणुपोग्गला दव्वट्ठयाए
