________________ 378 अनंगपविट्ठसुत्ताणि खेजगुणाओ // खेत्ताणुवाएणं सव्वत्थोवा वेमाणिया देवा उड्ढलोयतिरियलोए, तेलोक्के संखेजगुणा, अहोलोयतिरियलोए संखेजगुणा,अहोलोए संखेजगुणा,तिरियलोए संखेजगुणा, उड्ढलोए असंखेजगुणा / खेत्ताणुवाएणं सव्वत्थोवाओ वेमाणिणीओ देवीओ उडढलोयतिरियलोए, तेलोके संखेनगुणाओ, अहोलोयतिरियलोए संखेजगुणाओ, अहोलोए संखेजगुणाओ, तिरियलोए संखेजगुणाओ, उढलोए असंखेजगुणाओ // 201 // खेत्ताणुवाएणं सव्वत्थोवा एगिदिया जीवा उड्ढलोयतिरियलोए, अहोलोयतिरियलोए विसेसाहिया, तिरियलोए असंखेजगुणा, तेलोक्के असंखिजगुणा, उड्ढलोए असंखिज्जगुणा, अहोलोए विसेसाहिया। खेत्ताणुवाएणं सव्वत्थोवा एगिंदिया जीवा अपजत्तगा उड्ढलोयतिरियस्लोए अहोलोयतिरियलोए विसेसाहिया, तिरियलोए असंखेज्जगुणा,तेलोके असंखेज्जगुणा उडढलोए असंखेजगुणा,अहोलोए विसेसाहिया / खेत्ताणुवाएणं सव्वत्थोवा एगिदिया जीवा पजत्तगा उड्ढलोयतिरियलोए, अहोलोयतिरियलोए विसेसाहिया, तिरियलोए असंखिज्जगुणा, तेलोक्के असंखिजगुणा, उड्ढलोए असंखिजगुणा, अहोलोए विसेसाहिया // 202 // खेत्तागुवाएणं सव्वत्थोवा बेइंदिया उड्ढलोए, उड्ढलोयतिरियलोए असंखिजगुणा तेलुक्के असंखिजगुणा, अहोलोयतिरियलोए असंखिजगुणा, अहोलोए संखिजगुणा, तिरियलोए संखिजगुणा / खेत्ताणुवाएणं सव्वत्थोवा बेइंदिया अपज्जत्तया उड्ढलोए, उड्ढलोयतिरियलोए असंखेज्जगुणा, तेलोक्के असंखेज्जगुणा, अहोलोयतिरियलोए, असंखेज्जगुणा, अहोलोए संखेज्जगुणा, तिरियलोए संखेज्जगुणा। खेत्ताणुवाएणं सव्वत्थोवा बेइंदिया पज्जत्ता उड्ढलोए, उड्ढलोयतिरियलोए असंखिजगुणा,तेलोके असंखिजगुणा, अहोलोयतिरियलोए असंखिजगुणा, अहोलोए संखिजगुणा, तिरियलोए संखिजगुणा // खेत्ताणुवाएणं सव्वत्थोवा तेइंदिया उड्ढलोए, उड्ढलोयतिरियलोए असंखिजगुणा, तेलोक्के असंखिजगुणा, अहोलोयतिरियलोए असंखिजगुणा, अहोलोए संखिज्जगुणा, तिरियलोए संखिज्जगुणा / खेत्ताणुवाएणं सव्वत्थोवा तेइंदिया अपज्जत्तया उड्ढलोए, उड्ढलोयतिरियलोए असंखेजगुणा, तेलोक्के असंखेजगुणा, अहोलोयतिरियलोए असंखेज्जगुणा, अहोलोए संखेज्जगुणा, तिरियलोए संखेज्जगुणा / खेत्ताणुवाएणं सव्वत्थोवा तेइंदिया पज्जत्तया उड्ढलोए, उड्ढलोयतिरियलोए असंखेजगुणा, तेलुक्के असंखेजगुणा, अहोलोयतिरियलोए असंखेज्जगुणा, अहोलोए संखेज्जगुणा, तिरियलोए संखेज्जगुणा // खेत्ताणुवाएणं सव्वत्थोवा चउरि
