________________ अगर 372 अनंगपविट्ठसुत्ताणि काइयाणं बायरवा उकाइयाण य पज्जत्तापज्जत्ताणं कयरे कयरेहितो अप्पा वा 4 ? गोयमा ! सव्वत्थोवा बायरवाउकाइया पज्जत्तया, बायरवांउकाइया अपज्जत्तया असंखेज्जगुणा, सुहुमा वाउकाइया अपज्जत्तया असंखेज्जगुणा, सुहुमवाउकाइया पज्जत्तया संखेजगुणा // एएसि णं भंते ! सुहुमवणस्सइकाइयाणं बायरवणस्सइकाइयाण य कयरे कयरेहितो अप्पा वा 4 ?' गोयमा ! सव्वत्थोवा बायरवणस्सइकाइया पज्जत्तया, बायरवणस्सइकाइया अपज्जत्तया असंखेज्जगुणा, सुहुमवणस्सइकाइया अपज्जत्तया असंखेज्जगुणा, सुहुमवणस्सइकाइया पज्जत्तया संखेज्जगुणा // एएसि णं भंते ! सुहमणिओयाणं बायरणिओयाण य पज्जत्तापज्जत्ताणं कयरे कयरेहितो अप्पा वा 4 1 गोयमा ! सव्वत्थोवा बायरणिओया पज्जत्तया, बायरणिओया अपज्जत्तया असंखेज्जगुणा, सुहमणिओया अपज्जत्तया असंखेज्जगुणा, सुहमणिओया पज्जत्तया संखेज्जगुणा // 170 // एएसि णं भंते ! सुहुमाणं सुहुमपुढवीकाइयाणं सुहुमआउकाइयाणं सुहुमतेउकाइयाणं सुहुमवाउकाइयाणं सुहुमवणस्सइकाइयाणं सुहुमणिओयाणं बायराणं बायरपुढ विकाइयाणं बायरआउकाइयाणं बायरतेउकाईयाणं बायरवाउकाइयाणं बायरवणस्सइकाइयाणं पत्तेयसरीरबायरवणस्सइकाइयाणं बायरणिओयाणं बायरतसेकाइयाण य पज्जत्तापज्जत्ताणं कयरे कयरेहितो अप्पा वा 4 ? गोयमा ! सव्वत्थोवा बायरतेउकाइया पज्जत्तया, बायरतसकाइया पज्जत्तया असंखेजगुणा, बायरतसकाइया अपजत्तया असंखेजगुणा, पत्तेयसरीरबायरवणस्सइकाइया पज्जत्तया असंखेज्जगुणा, बायरणिओया पज्जत्तया असंखेज्जगुणा, बायरपुढविकाइया पज्जत्तया असंखेज्जगुणा, बायरआउकाइया पजत्तया असंखेज्जगुणा, बायरवाउकाइया पज्जत्तया असंखेज्जगुणा, बायरतेउकाइया अपज्जत्तया असंखेज्जगुणा, पत्तेयसरीखायरवणस्सइकाइया अपज्जत्तया असंखेज्जगुणा, बायरणिओया अपज्जत्तया असंखेज्जगुणा, बायरपुढवीकाइया अपज्जत्तया असंखेज्जगुणा, बायरआउकाइया अपज्जत्तया असंखेज्जगुणा, बायरवाउकाइया अपज्जत्तया असंखेज्जगुणा सुहुमतेउकाइया अपज्जत्तया असंखेजगुणा, सुहुमपुढवीकाइया अपज्जत्तया विसेसाहिया, सुहुमआउकाइया अपजत्तया विसेसाहिया, सुहुमवाउकाइया अपज्जत्तया विसेसाहिया, सुहुमतेउकाइया पज्जत्तया असंखेज्जगुंणा, सुहुमपुढवीकाइया पज्जत्तया विसेसाहिया, सुहुमआउकाइया पज्जत्तया विसेसाहिया, सुहुमवाउकाइया पज्जत्तया विसेसाहिया, सुहुमणिओया अपज्जत्तया असंखेज्जगुणा,
