________________ पण्णवणासुत्तं प० 3 369 काइया पज्जत्तया, बायरपुढवीकाइया अपज्जत्तया असंखेज्जगुणा / एए सि ण भंते ! बायरआउकाइयाणं पज्जत्तापज्जत्ताणं कयरे कयरेहितो अप्पा वा 4 ? गोयमा ! सव्वत्थोवा बायरआउकाइया पज्जत्तया, बायरआउकाइया अपज्जत्तया असंखेज्जगुणा / एएसि णं भंते ! बायरतेउकाइयाणं पज्जत्तापज्जत्ताणं कयरे कयरेहितो अप्पा वा 4 ? गोयमा ! सव्वत्थोवा बायरतेउकाइया पज्जत्तया, बायरतेउकाइया अपज्जत्तया असंखेज्जगुणा / एए सि णं भंते ! बायरवाउकाइयाणं पज्जत्तापज्जत्ताणं कयरे कयरेहितो अप्पा वा 4 ? गोयमा ! सव्वत्थोवा बायरवाउकाइया पज्जत्तया, बायरवाउकाइया अपज्जत्तया असंखेजगुणा / एएसिणं भंते ! बायरवणस्सइकाइयाणं पज्जत्तापज्जत्ताणं कयरे कयरेहितो अप्पा वा 4 1 गोयमा ! सव्वत्थोवा बायरवणस्सइकाइया पजत्तया, बायरवणस्सइकाइया अपजत्तया असंखेज्जगुणा। एएसिणं भंते ! पत्तेयसरीरबायरवणस्सइकाइयाणं पच्जत्तापज्जत्ताणं कयरे कयरेहितो अप्पा वा 4 ? गोयमा ! सव्वत्थोवा पत्तेयसरीरबायरवणस्सइकाइया पज्जत्तया, पत्तेयसरीरबायरवणस्सइकाइया अपज्जत्तया असंखेज्जगुणा / एएसि णं भंते ! बायरणिओयाणं पज्जत्तापज्जत्ताणं कयरे कयरेहिंतो अप्पा वा 4 ? गोयमा ! सव्वत्थोवा बायरणिओया पज्जत्ता, बायरणिओया अपज्जत्ता असंखेजगुणा / एए सि भंते! बायरतसकाइयाणं पज्जत्तापज्जत्ताणं कयरे कयरेहिंतो अप्पा वा 4 ? गोयमा ! सव्वत्थोवा बायरतसकाइया पज्जत्ता, बायरतसकाइया अपज्जत्ता असंखेज्जगुणा // 165 // एएसिणं भंते ! बायराणं बायरपुढवीकाइयाणं बायरआउकाइयाणं बायरतेस्काइयाणं बायरवाउकाइयाणं बायरवणस्स इकाइयाणं पत्तेयसरीरबायरवणस्सइकाइयाणं बायरणि ओयाणं बायरतसकाइयाणं पज्जत्तापज्जत्ताणं कयरे कयरेहितो अप्पा वा 4 ? गोयमा! सव्वत्थोवा बायरतेउकाइया पज्जत्तया, बायरतसकाइया पज्जत्तया असंखेज्जगुणा, बायरतसकाइया अपज्जत्तया असंखेज्जगुणा,पत्तेयसरीरबायरवणस्सइकाइया पजत्तया असंखेज्जगुणा, बायरणिओया पज्जत्तया असंखेज्जगुणा बायरपुढवीकाइया पजत्तया असंखेज्जगुणा, बायरआउकाइया पज्जत्तया असंखेजगुणा, बायरवाउकाइया पजत्तया असंखेज़्जगुणा,बायरतेउकाइया अपज्जत्तया असंखेजगुणा, पत्तेयसरीरबायरवणस्सइकाइया अपज्जत्तया असंखेजगुणा, बायरणिओया अपज्जत्तया असंखेजगुणा, बायरपुढवीकाइया अपजत्तया असंखेज्जगुणा, बायरआउकाइया अपजत्तया असंखेजगुणा, बायरवाउकाइया अपजत्तया असंखेजगुणा, बायरवणस्सइकाइया पजत्तया अणंतगुणा,
