________________ 348 अनंगपविट्ठसुत्ताणि तीति मक्खायं / ते णं भवणा जाव एत्थ णं बहवे उत्तरिल्ला सुवण्णकुमारा देवा परिवसंति, महिदिया जाव विहरति / वेणुदाली इत्थ सुवण्णकुमारिंदे सुवण्णकुमारराया परिवसइ, महिड्ढिए सेसं जहा णागकुमाराणं / एवं जहा सुवण्णकुमाराणं वत्तव्वया भणिया तहा सेसाण वि चउदसण्हं इंदाणं भाणियव्वा / णवरं भवणणाणत्तं इंदणा. णत्तं वण्णणाणत्तं परिहाणणाणत्तं च इमाहिँ गाहाहिँ अणुगंतव्वं-चउसद्धिं असुराणं चुलसीयं चेव होति णागाणं / बावत्तरि सुवण्णे वाउकुमाराण छण्णउई. / / 1 // दीवदिसाउदहीणं विज्जुकुमारिंदथणियमग्गीणं / छण्हंपि जुअलयाणं छावत्तरिमो सयसहस्सा // 2 // चउतीसा चउयाला अट्टत्तीसं च सयसहस्साई / पण्णा चत्तालीसा दाहिणओ हुंति भवणाई // 3 // तीसा * चत्तालीसा चउतीसं चेव सयसहस्साई / छायाला छत्तीसा उत्तरओ हुंति भवणाई // 4 // चउसट्ठी सट्ठी खलु छच्च सहस्साई असुरवजाणं / सामाणिया उ एए चउगुणा आयरक्खा उ // 5 // चमरे धरणे तह वेणुदेवे हरिकंतअग्गिसीहे य / पुण्णे जलकंते य अमिय-विलम्बे य घोसे य // 6 // बलि-भूयाणंदे वेणुदालि-हरिस्सहे अग्गिमाणवविसिटे / जलपह तहऽमियवाहणे पभंजणे य महाघोसे || 7 // उत्तरिल्लाणं जाव विहरति / काला असुरकुमारा णागा उदही य पंडुरा दो वि। वरकणगणिहसगोरा हंति सुवण्णा दिसा थणिया // 8 // उत्तत्तकणंगवण्णा विज्जू अग्गी य होंति दीवा य / सामा पियंगुवण्णा वाउकुमारा मुणेयव्वा // 9 // असुरेसु हुँति रत्ता सिलिंधपुप्पापभा य णागुदही। आसासगवसणधरा हौति सुवण्णा दिसा थणिया // 10 // णीलाणुरागवसणा विज्जू अग्गी य हुंति दीवा य। संझाणुरागवसणा वाउकुमारा मुणेयव्वा // 11 // 115 // कहि णं भंते ! वाणमंतराणं देवाणं पजत्तापजत्ताणं ठाणा पण्णत्ता ? कहि णंभंते ! वाणमंतरा देवा परिवसंति ?, गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरि एगं जोयणसयं ओगाहित्ता हिट्ठा वि एगं जोयणसयं वजित्ता मज्झे अट्ठसु जोयणसएसु एत्थ णं वाणमंतराणं देवाणं तिरियमसंखेज्जा भोमेजणयरावाससयसहस्सा भवंतीति मक्खायं / ते णं भोमेजा णयरा बाहिँ वट्टा, अंतो चउरंसा, अहे पुक्खरकण्णियासंठाणसंठिया, उकिणंतरविउलगंभीरखायफलिहा,पागारट्टालयकवाडतोरणपडिदुवारदेसभागा, जंतसयग्घिमुसल-मुमंढिपरिवारिया, अउज्झा, सयाजया, सयागुत्ता, अडयालकोट्ठगरइया, अडयालकयवणमाला, खेमा, सिवा, किंकरामरदंडोवरक्खिया, लाउल्लोइयमहिया,
