________________ 276 अनंगपविट्ठसुत्ताणि जाव अणुत्तराणं एका रयणी, गेविजणुत्तराणं एगे भवधारणिजे सरीरे उत्तरवेउब्विया णत्थि // 213 // सोहम्मीसाणेसु ण देवाणं सरीरगा किंसंघयणी पण्णत्ता ? गोयमा ! छण्हं संघयणाणं असंघयणी पण्णत्ता, णेवट्ठी णेव छिरा णवि ण्हारू णेव संघयणमत्थि, जे पोग्गला इट्टा कंता जाव ते तेसिं संघायत्ताए परिणमंति जाव अणुत्तरोववाइया / सोहम्मीसाणेसु० देवाणं सरीरगा किंसंठिया पण्णत्ता ? गोयमा ! दुविहा सरीरा प० तं०-भवधारणिज्जा य उत्तरवेउब्विया य, तत्थ णं जे ते भवधारणिजा ते समचउरंससंठाणसंठिया पण्णत्ता, तत्थ णं जे ते उत्तरवेउब्विया ते णाणासंठाणसंठिया पण्णत्ता जाव अच्चुओ, अवेउब्विया गेविजणुत्तरा, भवधारणिजा समचउ. रंससंठाणसंठिया उत्तरवेउव्विया णत्थि // 214 / / सोहम्मीसाणेसु० देवा केरिसया वण्णेणं पण्णत्ता ? गोयमा ! कणगत्तयरसाभा वण्णेणं पण्णत्ता / सणंकुमारमाहिंदेसु णं० पउमपम्हगोरा वण्णेणं पण्णत्ता / बंभलोगे णं भंते !01 गोयमा ! अलमधुगवण्णाभा वण्णेणं पण्णत्ता, एवं जाव गेवेजा, अणुत्तरोववाइया परमसुकिल्ला वण्णेणं पण्णत्ता॥ सोहम्मीसाणेसु णं भंते ! कप्पेसु देवाणं सरीरगा केरिसया गंधेणं पण्णत्ता 1 गोयमा ! से जहा णामए-कोहपुडाण वा तहेव सव्वं जाव मणामतरगा चेव गंधेणं पण्णत्ता जाव अणुत्तरोववाइया॥ सोहम्मीसाणेसु० देवाणं सरीरगा. केरिसया फासेणं पण्णत्ता ? गोयमा ! थिरमउयणिद्धसुकुमालच्छविफासेणं पणत्ता, एवं जाव अणुत्तरोववाइया / / सोइम्मीसाणदेवाणं० केरिसया पुग्गला उस्सासत्ताए परिणमंति ? गोयमा! जे पोग्गला इट्ठा कंता जाव ते तेसिं उस्सासत्ताए परिणमंति जाव अणुत्तरोववाइया, एवं आहारत्ताएवि जाव अणुत्तरोववाइया // सोहम्मीसाणदेवाणं० कइ लेस्साओ पण्णत्ताओ ? गोयमा! एगा तेउलेस्सा पण्णत्ता / सणंकुमारमाहिदेसु एगा पम्हलेस्सा, एवं बंभलोगेवि पम्हा, सेसेसु एक्का सुक्कलेस्सा, अणुत्तरोववाइयाणं० एक्का परमसुक्कलेस्सा ॥सोहम्मीसाणदेवा० किं सम्मदिट्ठी मिच्छादिट्ठी सम्मामिच्छादिट्ठी? गोयमा ! तिण्णिवि, जाव अंतिमगेवेजा देवा सम्मदिट्ठीवि मिच्छादिट्ठीवि सम्मामिच्छादिट्ठीवि, अणुत्तरोववाइया सम्मदिट्ठी णो मिच्छादिट्ठी णोसम्मामिच्छादिट्ठी // सोहम्मीसाणा० किं णाणी अण्णाणी ? गोयमा ! दोवि, तिण्णि णाणा तिण्णि अण्णाणा णियमा जाव गेवेजा, अणुत्तरोववाइया णाणी णो अण्णाणी तिण्णि णाणा णियमा। तिविहे जोगे दुविहे उवओगे सव्वेसिं जाव अणुत्तरोववाइया // 215 // सोहम्मीसाणदेवा० ओहिणा केवइयं खेत्तं जाणंति पासंति ? गोयमा ! जहण्णेणं अंगुलस्स
