________________ जीवाजीवाभिगमे प० 3 273 साहस्सीओ पण्णत्ताओ, ठिई भाणियव्वा-अभितरियाए परिसाए बारस सागरोवमाइं सत्त पलिओवमाइं ठिई पण्णत्ता, मज्झिमियाए परिसाए बारस सागरोवमाई छच्च पलिओवमाइं ठिई पण्णत्ता, बाहिरियाए परिसाए बारस सागरोवमाइं पंच पलिओवमाइं ठिई पण्णत्ता अट्ठो सो चेव // महासुक्कस्सवि जाव तओ परिसाओ जाव अभितरियाए एगं देवसहस्सं मज्झिमियाए दो देवसाहस्सीओ पण्णत्ताओ बाहिरियाए चत्तारि देवसाहस्सीओ, अभितरियाए परिसाए अद्धसोलस सागरोवमाइं पंच पलिओवमाई,मज्झिमियाए अद्धसोलस सागरोवमाइं चत्तारि पलिओवमाई,बाहिरियाए अद्धसोलस सागरोवमाइं तिण्णि पलिओवमाइं, अट्ठो सो चेव // सहस्सारे पुच्छा जाव अभितरियाए परिसाए पंच देवसया, मज्झिमियाए परि० एगा देवसाहस्सी, बाहिरियाए० दो देवसाहस्सीओ पण्णत्ता,ठिई-अभितरियाए अद्धट्ठारस सागरोवमाई सत्त पलिओवमाइं ठिई पण्णत्ता एवं मज्झिमियाए अट्ठारस छप्पलिओवमाई बाहिरियाए अद्धट्ठारस सागरोवमाइं पंच पलिओवमाइं अट्ठो सो चेव // आणयपाणयस्सवि पुच्छा जाव तओ परिसाओणवरि अभितरियाए अड्ढाइजा देवसया मज्झिमियाए पंच देवसया बाहिरियाए एगा देवसाहस्सी,ठिई-अभितरियाए०एगूणवीस सागरोवमाइं पंच य पलिओवमाइं एवं मज्झि० एगूणवीस सागरोवमाइं चत्तारि य पलिओवमाई बाहिरियाए परिसाए एगूणवीसं सागरोवमाइं तिणि य पलिओवमाइं ठिई अट्ठो सो चेव / कहि णं भंते ! आरणअच्चुयाणं देवाणं तहेव अच्चुए सपरिवारे जाव विहरइ, अच्चुयस्स णं देविंदस्स तओ परिसाओ पण्णत्ताओ अभितरपरि० देवाणं पणवीस सयं मज्झिम अड्ढाइजा सया बाहिरिय० पंचसया, अभितरियाए एकवीसं सागरोवमा सत्त य पलिओवमाई मज्झि० एकवीससागरो० छप्पलि बाहिरि०एगीसं सागरो० पंच य पलिओवमाइं ठिई पण्णत्ता // कहि णं भंते ! हेट्ठिमगेवेजगाणं देवाणं विमाणा पण्णत्ता ? कहि णं भंते ! हेट्ठिमगेवेजगा देवा परिवसंति !, जहेव ठाणपए तहेव, एवं मज्झिमगेवेजा उवरिमगेविजगा अणुत्तरा य जाव अहमिंदा णाम ते देवा पण्णत्ता समणाउसो ! // 208 // पढमो वेमाणिय उद्देसो समत्तो। ___बीओ वेमाणिय उद्देसो सोहम्मीसाणेसु णं भंते ! कम्पेसु विमाणपुढवी किंपइट्ठिया पणत्ता ? गोयमा ! घणोदहिपइट्ठिया प० सणंकुमारमाहिदेसु० कप्पेसु विमाणपुढवी किंपइट्टिया पण्णत्ता ?
