________________ 271 जीवाजीवाभिगमे प०३ चंदविमाणे णं भंते ! देवाणं केवइयं कालं ठिई पण्णत्ता ? एवं जहा ठिईपए तहा भाणियव्वा जाव ताराणं // 205 / / एएसि णं भंते ! चंदिमसूरियगहणक्खत्ततारारूवाणं कयरे 2 हिंतो अप्पा वा बहुया वा तुल्ला वा विसेसाहिया वा 1 गोयमा ! चंदिमसूरिया एए णं दोण्णिवि तुल्ला सव्वत्थोवा, संखेजगुणा णक्खत्ता, संखेजगुणा गहा, संखेजगुणाओ तारगाओ // 206 // जोइसुद्देसओ समत्तो // पढमो वेमाणिय उद्देसो कहि णं भंते ! वेमाणियाणं देवाणं विमाणा पण्णत्ता ? कहि णं भंते ! वेमाणिया देवा परिवसंति ? जहा ठाणपए तहा सव्वं भाणियव्वं णवरं परिसाओ भाणियव्वाओ जाव सक्के० अण्णेसिं च बहूणं सोहम्मकप्पवासीणं देवाण य देवीण य जाव विहरंति // 207 // सक्कस्स णं भंते ! देविंदस्स देवरण्णो कइ परिसाओ पण्णत्ताओ? गोयमा ! तओ परिसाओ पण्णत्ताओ, तंजहा-समिया चंडा जाया, अभितरिया समिया मज्झिमिया चंडा बाहिरिया जाया // सक्कस्स णं भंते ! देविंदस्स देवरण्णो अभितरियाए परिसाए कइ देवसाहस्सीओ पण्णत्ताओ? मज्झिमियाए परि० तहेव बाहिरियाए पुच्छा, गोयमा ! सक्कस्स देविंदस्स देवरण्णो अभितरियाए परिसाए वारस देवसाहस्सीओ पण्णत्ताओ मज्झिमियाए परिसाए चउदस देवसाहस्सीओ पण्णत्ताओ बाहिरियाए परिसाए सोलस देवसाहस्सीओ पण्णत्ताओ, तहा अभितरियाए परिसाए सत्त देवीसयाणि मज्झिमियाए० छच्च देवीसयाणि बाहिरियाए० पंच देवीसयाणि पण्णत्ताणि // सक्कस्स णं भंते ! देविंदस्स देवरण्णो अभितरियाए परिसाए देवाणं केवइयं कालं ठिई पण्णत्ता 1 एवं मज्झिमियाए बाहिरियाएवि, गोयमा ! सक्कस्स देविंदस्स देवरण्णो अभितरियाए परिसाए देवाणं पंच पलिओवमाई ठिई पण्णत्ता, मज्झिमियाए परिसाए० चत्तारि पलिओवमाइं ठिई पण्णत्ता, बाहिरियाए परिसाए देवाणं तिण्णि पलिओवमाइं ठिई पण्णत्ता, देवीणं ठिई-अभितरियाए परिसाए देवीणं तिणि पलिओवमाइं ठिई पण्णत्ता,मज्झिमियाए०दुण्णि पलिओवमाई ठिई पण्णत्ता, बाहिरियाए परिसाए०एगं पलिओवमं ठिई पण्णत्ता, अट्ठो सो चेव जहा भवणवासीणं / / कहि णं भंते ! ईसाणगाणं देवाणं विमाणा पण्णत्ता 1 तहेव सव्वं जाव ईसाणे एत्थ देविंदे देव० जाव विहरइ / ईसाणस्स णं भंते ! देविंदस्स देवरण्णो कइ परिसाओ पण्णत्ताओ ? गोयमा ! तओ परिसाओ पण्णत्ताओ, तंजहा
