________________ 252 अनंगपविट्ठसुत्ताणि अंतरं होइ / पण्णास सहस्साइं तु जोयणाणं अण्णाई // 27 // सूरस्स य सूरस्स य ससिणो ससिणो य अंतर होइ / बहियाओ मणुस्सणगस्सं जोयणाणं सयसहरसं // 28 ॥सूरतरिया चंदा चंदंतरिया य दिणयरा दित्ता / चित्तंतरलेसागा सुहलेसा मंदलेसा य // 29 // अट्ठासीइं च गहा अट्ठावीसं च होंति णक्खत्ता / एगससीपरिवारो एत्तो ताराण वोच्छामि // 30 // छावट्ठिसहस्साई णव चेव सयाई पंचसयराइं / एगससीपरिवारो तारागणकोडिकोडीणं // 31 // बहियाओ माणुसणगस्स चंदसूराणऽवट्ठिया जोगा। चंदा अभीइजुत्ता सूरा पुण होंति पुस्सेहिं // 32 // 177|| माणुसुत्तरे णं भंते ! पव्वए केवइयं उड्ढं उच्चत्तेण ? केवइयं उव्वेहेणं ? केवइयं मूले विक्खम्भेणं ? केवइयं मज्झे विक्खंभेणं केवइयं सिहरे विक्खंभेणं ? केवइयं अंतो गिरिपरिरएणं 1 केवइयं वाहिं गिरिपरिरएणं ? केवइयं मज्झे गिरिपरिरएणं ? केवइयं उवरि गिरिपरिरएणं १,गोयमा। माणुसुत्तरे णं पव्वए सत्तरस एक्कवीसाई जोयणसयाई उड्दं उच्चत्तेणं चत्तारि तीसे जोयणसए कोसं च उव्वेहेणं मूले दसबावीसे जोयणसए विक्खंभेणं मज्झे सत्ततेवीसे जोयणसए विक्खंभेणं उवरि चत्तारिचउवीसे जोयणसए विक्खंभेणं अंतो गिरिपरिरएणं-एगा जोयणकोडी बायालीसं च सयसहस्साई / तीसं च सहस्साई दोण्णि य अउणापण्णे जोयणसए किंचिविसेसाहिए परिक्खेवेणं, बाहिरगिरिपरिरएणं एगा जोयणकोडी बायालीसं च सयसहस्साई छत्तीसं च सहस्साई सत्तचोद्दसोत्तरे जोयणसए परिक्खेवेणं, मज्झे गिरिपरिरएणं एगा जोयणकोडी बायालीसं च सयसहस्साई चोत्तीसं च सहस्सा अट्ठतेवीसे जोयणसए परिक्खेवेणं, उवरि गिरिपरिरएणं एगा जोयणकोडी बायालीसं च सयसहस्साई बत्तीसं च सहस्साई णव य बत्तीसे जोयणसए परिक्खेवेणं, मूले विच्छिण्णे मज्झे संखित्ते उप्पिं तणुए अंतो सण्हे मज्झे उदग्मे बाहिं दरिसणिजे ईसि सण्णिसण्णे सीहणिसाई अवद्धजवरासिसंठाणसंठिए सव्वजंबूणयामए अच्छे सण्हे जाव पडिलवे, उभओ पासिं दोहिं पउमवरवेइयाहिं दोहि य वणसंडेहिं सव्वओ समंता संपरिक्खित्ते वण्णओ दोहवि // से केणतुणं भंते ! एवं वुच्चइमाणुसुत्तरे पव्वए 2 1 गोयमा ! माणुसुत्तरस्स णं पव्वयस्स अंतो मणुया उप्पि सुवण्णा बाहिं देवा अदुत्तरं च णं गोयमा ! माणुसुत्तरपव्वयं मणुया ण कयाइ वीइवइंसु वा वीइवति वा वीइवइस्संति वा णण्णत्थ चारणेहिं वा विजाहरेहिं वा देवकम्मुणा वावि, से तेणटेणं गोयमा !* अदुत्तरं च णं जाव णिच्चेत्ति // जावं
