________________ - 244 अनंगपविद्वसुत्ताणि वेइयंताओ देवोदगं समुदं पच्चत्थिमेणं बारस जोयणसहस्साई ओगाहित्ता तेणेव कमेणं जाव रायहाणीओ सगाणं दीवाणं पच्चत्थिमेणं देवोदगं समुदं असंखेजाई जोयणसहस्साई ओगाहित्ता एत्थ णं देवोदगाणं चंदाणं चंदाओ णामं रायहाणीओ पण्णत्ताओ, तं चेव सव्वं, एवं सूराणवि, णवरि देवोदगस्स पचत्थिमिल्लाओ वेइयंताओ देवोदगसमुदं पुरथिमेणं बारस जोयणसहस्साई ओगाहित्ता रायहाणीओ सगाणं 2 दीवाणं पुरथिमेणं देवोदगं समुदं असंखेजाइं जोयणसहस्साइं // एवं णागे जक्खे भूएवि चउण्हं दीवसमुद्दाणं / कहिणं भंते ! सयंभूरमणदीवगाणं चंदाणं चंददीवा णाम दीवा पण्णत्ता ? गोयमा! सयंभूरमणस्स दीवस्स पुरथिमिल्लाओ वेइयंताओ सयंभूरमणोदगं समुदं बारस जोयणसहस्साइं तहेव रायहाणीओ सगाणं 2 दीवाणं पुरत्थिमेणं सयंभूरमणोदगं समुदं पुरस्थिमेणं असंखेजाई जोयण० तं चेव, एवं सूराणवि, सयंभूरमणस्स पञ्चस्थिमिलाओ वेइयंताओ रायहाणीओ संगाणं 2 दीवाणं पच्चस्थिमिल्लाणं सयंभूरमणोदं समुदं असंखेजा० सेसं तं चेव / कहि णं भंते ! सयंभूरमणसमुद्दगाणं चंदाणं०१ गोयमा ! सयंभूरमणस्स समुदस्स पुरथिमिल्लाओ वेइयंताओ सयंभूरमणं समुई पच्चत्थिमेणं बारस जोयणसहस्साई ओगाहित्ता सेसं तं चेव / एवं सूराणवि, सयंभूरमणस्स पञ्चस्थिमिल्लाओ सयंभूरमणोदं समुदं पुरथिमेणं बारस जोयणसहस्साइं ओगाहित्ता रायहाणीओ सगाणं दीवाणं पुरत्थिमेणं सयंभूरमणं समुदं असंखेजाई जोयणसहस्साइं ओगाहित्ता, एत्थ णं सयंभूरमण जाव सूरा देवा 2 // 167 // अस्थि णं भंते ! लवणसमुद्दे वेलंधराइ वा णागरायाइ वा खण्णाइ वा अग्घाइ वा सिंहाइ वा विजाईइ वा हासवट्टीइ वा ? हंता अस्थि / जहा णं भंते ! लवणसमुद्दे अत्थि वेलंधराइ वा णागराया. अग्घा० सिंहा० विजाईइ वा हासवट्टीइ वा तहाणं बाहिरएसुवि समुद्देसु अस्थि वेलंधराइवा णागरायाइ वा० अग्घाइवासीहाइ वा विजाईइ वा हासवट्टीइ वा ? णो इणढे समढे // 168 // लवणे णं भंते ! समुदं किं ऊसिओदगे किं पत्थडोदगे किं खुभियजले कि अखुभियजले 1 गोयमा ! लवणे णं समुद्दे ऊसि ओदगे णो पत्थडोदगे खुभियजले णो अक्खुभियजले / जहा णं भंते ! लवणे समुद्दे ऊसिओदगे णो पत्थडोदगे खुभियजले णो अक्खुभियजले तहाणं बाहिरगा समुद्दा किं ऊसिओदगा पत्थडोदगा खुभियजला अक्खुभियजला ? गोयमा! बाहिरगा समुद्दा णो उस्सिओदगा पत्थडोदगाणो खुभियजला अक्खुभियजला पुण्मा पुण्णप्पमाणा वोलदृमाणा वोसट्टमाणा समभरघडत्ताए चिट्ठति // अस्थि णं भंते ! लवणसमुद्दे बहवे
