________________ जीवाजीवाभिगमे प०३ 225 विहाडेइ 2 ता.जिणसकहाओ लोमहत्थएणं पमजइ 2 त्ता सुरभिणा गंधोदएणं तिसत्तखुत्तो जिणसकहाओ पक्खालेइ 2 सरसेणं गोसीसचंदणेणं अणुलिंपइ 2 सा अग्गेहिं वरेहिं गंधेहिं मल्लेहि य अच्चिणइ 2 त्ता धूवं दलयइ 2 त्ता वइरामएसु गोलवट्टसमुग्गएसु पडिणिक्खिवइ 2 त्ता माणवकं चेइयखंभं लोमहत्थएणं पमज्जइ 2 दिव्वाए उदगधाराए अब्भुक्खेइ 2 ता सरसेणं गोसीसचंदणेणं चच्चए दलयइ 2 पुप्फारुहणं जाव आसत्तोसत्त० कयग्गाह० धूवं दलयइ 2 जेणेव सभाए सुहम्माए बहुमज्झदेसभाए तं चेव जेणेव सीहासणे तेणेव जहा दारचणिया जेणेव देवसयणिजे तं चेव जेणेव खुड्डागे महिंदज्झए तं चेव जेणेव पहरणकोसे चोप्पाले तेणेव उवागच्छइ 2 पत्तय 2 पहरणाई लोमहत्थएणं पमजइ पमजित्ता सरसेणं गोसीसचंदणेणं तहेव सव्वं सेसंपि दक्खिणदारं आदिकाउं तहेव णेयव्वं जाव पुरच्छिमिल्ला गंदापुक्खरिणी सव्वाणं सभाणं जहा सुहम्माए सभाए तहा अच्चणिया उववायसभाए णवरि देवसयणिजस्स अच्चणिया सेसासु सीहासणाण अच्चणिया हरयस्स जहा गंदाए पुक्खरिणीए अच्चणिया, ववसायसभाए पोत्थयरयणं लोम० दिव्वाए उदगधाराए सरसेणं गोसीसचंदणेणं अणुलिंपइ अग्गेहिं वरेहिं गंधेहिं य मल्लेहि य अच्चिणइ 2 त्ता [मल्लेहि] सीहासणे लोमहत्थएणं पमजइ जाव धूवं दलयइ सेसं तं चेव गंदाए जहा हरयस्स तहा जेणेव बलिपीढं तेणेव उवागच्छइ 2 त्ता आभिओगे देवे सद्दावेइ 2 त्ता एवं वयासी-खिप्पामेव भो देवाणुप्पिया ! विजयाए रायहाणीए सिंघाडएसु य तिएसु य चउक्केसु य चच्चरेसु य चउमुहेसु य महापहपहेसु य पासाएसु य पागारेसु य अट्टालएसु य चरियासु य दारेसु य गोपुरेसु य तोरणेसु य वावीसु य पुक्खरिणीसु य जाव बिलपंतियासु य आरामेसु य उजाणेसु य काणणेसु य वणेसु य वणसंडेसु य वणराईसु य अच्चणियं करेह करेत्ता ममेयमाणत्तियं खिप्पामेव पच्चप्पिणह तए णं ते आभिओगिया देवा विजएणं देवेणं एवं वुत्ता समाणा जाव हट्टतुट्ठा विणएणं पडिसुणेति 2 त्ता विजयाए रायहाणीए सिंघाडएसु य जाव अच्चणियं करेत्ता जेणेव विजए देवे तेणेव उवागच्छंति उवागच्छित्ता एयमाणत्तियं पञ्चपिणंति // तए णं से विजए देवे तेसि णं आभिओगियाणं देवाणं अंतिए एयमहूँ सोचा णिसम्म हट्टतुट्ठचित्तमाणंदिय जाव हयहियए जेणेव णंदा पुक्खरिणी तेणेव उवागच्छइ उवागच्छित्ता पुरथिमिल्लेणं तोरणेणं जाव हत्थपायं पक्खालेइ पक्खालित्ता
