________________ जीवाजीवाभिगमे प०३ 215 सत्थे ववसायसभाए णं उप्पिं अट्ठमंगलगा झया छत्ताइछ्त्ता उत्तिमागारेइ / तीसे णं ववसायसभाए उत्तरपुरस्थिमेणं एगे महं बलिपेढे पण्णत्ते दो जोयणाई आयामविक्खंभेणं जोयणं बाहल्लेणं सव्वरययामए अच्छे जाव पडिरूवे // एत्थ णं तस्स णं बलिपेढस्स उत्तरपुरस्थिमेणं एगा महं गंदापुक्खरिणी पण्णत्ता जं चेव पमाणं हरयस्स तं चेव सव्वं // 140 // तेणं कालेणं तेणं समएणं विजए देवे विजयाए रायहाणीए उववायसभाए देवसयणिजंसि देवदूसंतरिए अंगुलस्स असंखेजइभागमेत्तीए बोंदीए विजयदेवत्ताए उववण्णे // तए णं से विजए देवे अहुणोववण्णमेत्तए चेव समाणे पंचविहाए पजत्तीए पजत्तीभावं गच्छइ, तंजहाआहारपजत्तीए सरीरपजत्तीए इंदियपजत्तीए आणापाणुपजत्तीए भासामणपजत्तीए॥ तए णं तस्स विजयस्स देवस्स पंचविहाए पजत्तीए पजत्तीभावं गयस्स इमे एयारूवे अज्झथिए चिंतिए पत्थिए मणोगए संकप्पे समुप्पजित्था-कि मे पुव्वं सेयं कि मे पच्छा सेयं किं मे पुव्वि करणिनं किं मे पच्छा करणिजं कि मे पुट्विं वा पच्छा वा हियाए सुहाए खेमाए णिस्सेसयाए अणुगामियत्ताए भविस्सइ त्तिकटु एवं संपेहेइ / तएणं तस्स विजयस्स देवस्स सामाणियपरिसोववण्णगा देवा विजयस्स देवस्स इमं एयारूवं अज्झत्थियं चिंतियं पत्थियं मणोगयं संकप्पं समुप्पण्णं जाणित्ता जेणामेव से विजय देवे तेणामेव उवागच्छंति तेणामेव उवागच्छित्ता विजयं देवं करयलपरिग्गहियं सिरसावत्तं मत्थए अंजलि कटु जएणं विजएणं वद्धाति जएणं विजएणं वद्धावेत्ता एवं वयासी-एवं खलु देवाणुप्पियाणं विजयाए रायहाणोए सिद्धायतणंसि अहसयं जिणपडिमाणं जिणुस्सेहपमाणमेत्ताणं संणिविखत्तं चिट्ठा सभाए य सुहम्माए माणवए इयखंभे वइरामएसु गोलचट्टसमुग्गएसु बहूओ जिणसकहाओ सण्णिक्खित्ताओ चिटुंति जाओ णं देवाणुप्पियाणं अण्णेसिं च बहूणं विजयरायहाणिवत्थव्वाणं देवाणं देवीण य अच्चणिजाओ यंदणिजाओ पूयणिजाओ सक्कारणिजाओ सम्माणणिज्जाओ कल्लाणं मंगलं देवयं चेइयं पज्जुवासणिजाओ एयण्णं देवाणुप्पियाणं पुलिपि सेयं एयण्णं देवाणुप्पियाणं पच्छावि सेयं एयण्णं देवा० पुचि करणिजं पच्छा करणिजं एयण्णं देवा० पुचि वा पच्छा वा जाव आणुगामियत्ताए भविस्सइ ति कटु महया महया जय (जय) सदं पउंजंति // तएणं से विजए देवे तेसिं सामाणियपरिसोववण्णगाणं देवाणं अंतिए एयमहें सोचा णिसम्म हट्टतुट्ठ जाव हियए (तए णं से विजए देवे) देवसयणिज्जाओ अब्भु
