________________ जीवाजीवाभिगमे प०३ 161 पण्णत्ताओ, तंजहा तुंबा तुडिया पेच्चा अभितरया तुंबा मज्झिमिया तुडिया बाहिरिया पेच्चा, सेसं जहा कालस्स परिमाणं, ठिईवि / अट्ठो जहा चमरस्स। चंदस्सवि एवं चेव // 122 / / कहि णं भंते ! दीवसमुद्दा ? केवइया णं भंते ! दीवसमुद्दा ? केमहालया णं भंते ! दीवसमुद्दा ? किं संठिया णं भंते ! दीवसमुद्दा ? किमागारभावपडोयारा णं भंते ! दीवसमुद्दा पण्णत्ता ?, गोयमा ! जंबुद्दीवाइया दीवा लवणाइया समुद्दा संठाणओ एगविहविहाणा वित्थारओ अणेगविहविहाणा दुगुणादुगुणे पडुप्पाएमाणा 2 पवित्थरमाणा 2 ओभासमाणवीईया बहुउप्पलपउमकुमुयणलिणसुभगसोगंधियपोंडरीयमहापोंडरीयसयपत्तसहस्सपत्तपप्फुल्लकेसरोवचिया पत्तेयं पत्तेयं पउमवरवेइयापरिक्खित्ता पत्तेयं पत्तेयं वणसंडपरिक्खित्ता अस्सिं तिरियलोए असंखेजा दीवसमुद्दा सयंभुरमणपजवसाणा पण्णत्ता समणाउसो!॥१२३॥ तत्थ णं अयं जंबुद्दीवे णामं दीवे दीवसमुद्दाणं अभितरिए सव्वखुड्डाए वट्टे तेल्लापूयसंठाणसंठिए वट्टे रहचक्कवालसंठाणसंठिए वट्टे पुक्खरकण्णियासंठाणसंठिए वटै पडिपुण्णचंदसंठाणसंठिए एकं जोयणसयसहस्सं आयामविक्खंभेणं तिण्णि जोयणसयसहस्साई सोलस य सहस्साइं दोण्णि य सत्तावीसे जोयणसए तिण्णि य कोसे अट्ठावीसं च धणुसयं तेरस अंगुलाई अद्धंगुलयं च किंचिविसेसाहियं परिक्खेवेणं पण्णत्ते / से णं एकाए जगईए सव्वओ समंता संपरिक्खित्ते / सा णं जगई अट्ठ जोयणाई उड्ढं उच्चत्तेणं मूले बारस जोयणाई विक्खंभेणं मज्झे अट्ठ जोयणाई विक्खंभेणं उप्पिं चत्तारि जोयणाई विक्खंभेणं मूले विच्छिण्णा मज्झे संखित्ता उप्पिं तणुया गोपुच्छसंठाणसंठिया सव्ववइरामई अच्छा सण्हा लण्हा घट्ठांमट्ठाणीरया णिम्मला णिप्पंकाणिकंकडच्छाया सप्पभा समिरीया (सस्सिरीया) सउज्जोया पासाईया दरिसणिज्जा अभिरुवा पडिरूवा / सा णं जगई एक्केणं जालकडएणं सव्वओ समंता संपरिक्खित्ता। से णं जालकडए अद्धजोयणं उड्ढे उच्चत्तेणं पंचधणुसयाइं विक्खंभेणं सव्वरयणामए अच्छे सण्हे लण्हे घटे मटे णीरए णिम्मले णिप्पंके णिकंकडच्छाए सप्पमे | सस्सिरीए] समरीए सउजोए पासाईए दरिसणिजे अभिरूवे पडिरूवे // 124 // तीसे णं जगईए उप्पिं बहुमज्झदेसभाए एत्थ णं एगा महई पउमवरवेइया प०, सा णं पउमवरवेइया अद्धजोयणं उड्ढे उच्चत्तेणं पंच धणुसयाई विक्खंभेणं सव्वरयणामए जगईसमिया परिक्खेवेणं सव्वरयणामई० // तीसे णं पउमवरवेइयाए अयमेयारूवे वण्णावासे पणत्ते, तंजहा-वइरामया णेमा रिट्ठामया पइट्टाणा वेरुलियामया खंभा
