________________ . जीवाजीवाभिगमे प०३ 161 णं जा सा भवधारणिजा सा जहण्णेणं अंगुलस्स असंखेजइभागं उक्कोसेणं सत्त धणूई तिणि य रयणीओ छच्च अंगुलाई, तत्थ णं जे से उत्तरवेउविए से जह० अंगुलस्स संखेजइभागं उक्को० पग्णरस धणूई अड्वाइजाओ रयणीओ, दोच्चाए भवधारणिज्जे जहण्णओ अंगुलामखेजइभागं उक्को० पण्णरस धणूई अड्ढाइजाओ रयणीओ उत्तरवेउव्विया जह० अंगुलस्स संखेजहभागं उक्को० एक्कतीसं धणूई एक्का रयणी, तच्चाए भवधारणिजे एकतीसं धणूई एक्का रयणी, उत्तरवेउब्विया बासष्टुिं धणूई दोण्णि रयणीओ, चउत्थीए भवधारणिजे बासट्टि धणूई दोणि य रयणीओ, उत्तरवेउविया पणवीस धणुसयं, पंचमीए भवधारणिजे पणवीसं धणुसयं, उत्तरवे० अड्ढाइजाई धणुसयाई, छट्ठीए भवधारणिजा अड्ढाइनाई धणुसयाई, उत्तरवेउब्विया पंचधणुसयाई, सत्तमाए भवधारणिजा पंचधणुसयाई उत्तरवेउविए धणुसहस्सं // 86 // इमीसे णं भंते ! रयणप्प० पु० णेरइयाणं सरीरया किंसंघयणी पण्णत्ता ? गोयमा ! छण्हं मंघयणाणं असंघयणी, णेवट्ठी णेव छिरा गवि हारू णेव संघयणमत्थि, जे पोग्गला अणिट्ठा जाव अमणामा ते तेसिं सर्र रसंघायत्ताए परिणमंति, एवं जाव अहेसत्तमाए // इमीसे णं भंते ! रयण पु० जेरइयाणं सरीरा किंसंठिया पण्णत्ता ? गोयमा ! दुविहा पण्णत्ता तंजहा-भवधारणिजा य उत्तरवेटविया य, तत्थ णं जे ते भवधारणिजा ते हुंडसंठिया पण्णत्ता, तत्थ णं जे ते उत्तरवेउव्विया तेवि हुंडसंठिया पण्णत्ता, एवं जाव अहेसत्तमाए // इमीसे णं भंते ! रयण० पु० णेरइयाणं सरीरगा केरिसया वण्णेणं पण्णता ? गोयमा ! काला कालोभासा जाव परमकिण्हा वण्णेणं पण्णत्ता, एवं जाव अहेसत्तमाए // इमीसे णं भंते ! रयण० पु० णेरइयाणं सरीरया केरिसया गंधेणं पण्णत्ता ? गोयमा ! से जहाणामए अहिमडेइ वा तं चेव जाव अहेसत्तमा / / इमीसे णं भंते ! रयण• पु० णेरइयाणं. सरीरया केरिसया फासेणं पण्णत्ता ? गोयमा ! फुडियच्छविविच्छविया खरफरुसझामझुसिरा फासेणं पण्णत्ता, एवं जाव अहेसत्तमा // 87 // इमीसे णं भंते ! रयणप्पभाए पुढवीए णेरइयाणं केरिसया पोग्गला ऊसासत्ताए परिणमंति ? गोयमा ! जे पोग्गला अणिट्ठा जाव अमणामा ते तेसिं ऊसासत्ताए परिणमंति, एवं जाव अहेसत्तमाए, एवं आहारस्सवि सत्तसुवि // इमीसे णं भंते ! रयण० पु. णेरइयाणं कइ लेसाओ पण्णत्ताओ ? गोयमा! एक्का काउलेसा पण्णत्ता, एवं सक्करप्पभाएऽवि वालयप्पभाए पुच्छा, गोयमा ! दो लेसाओ पण्णत्ताओ तं०-णीललेसा य काउलेसा य, तत्थ जे
