________________ जीवाजीवाभिगमे प०१ 133 से किं तं मउलिणो ? 2 अणेगविहा पण्णत्ता, तंजहा-दिव्वा गोणसा जाव से तं मउलिणो, सेत्तं अही / से किं तं अयगरा 12 एगागारा पण्णत्ता, से तं अयगरा / से किं आसालिया? 2 जहा पण्णवणाए, से तं आसालिया / से किं तं महोरगा ? 2 जहा पण्णवणाए, से तं महोरगा / जे यावण्णे तहप्पगारा ते समासओ दुविहा पण्णत्ता, तंजहा-पजत्ता य अपजत्ता य तं चेव, वरि सरीरोगाहणा जहष्णेणं अंगुलस्स असंखेज० उक्कोसेणं जोयणपुहुत्तं, ठिई जहण्णेणं अंतोमुहुत्तं उक्कोसेणं तेवण वाससहस्साई, सेसं जहा जलयराणं जाव चउगइया दुआगइया परित्ता असंखेजा, से तं उरपरिसप्पा। से किं तं भुयपरिसप्पसंमुच्छिमथलयरा ? 2 अणेगविहा पण्णत्ता, तंजहा-गोहा णउला जाव जे यावण्णे तहप्पगारा ते समासओ दुविहा पण्णत्ता, तंजहा-पजत्ता य अपजत्ता य, सरीरोगाहणा जहण्णेणं अंगुलासंखेनं उक्कोसेणं धणुपुहुत्तं, ठिई उक्कोसेणं वायालीसं वाससहस्साई सेसं जहा जलयराणं जाव चउगइया दुआगइया परित्ता असंखेजा पण्णत्ता, से तं भुयपरिसपसमुच्छिमा, से तं थलयरा / से किं तं खहयरा ? 2 चउव्विहा पण्णत्ता, तंजहाचम्मपक्खी लोमपक्खी समुग्गपवखी विययपवखी / से किं तं चम्मपवखी ? 2 अणेगविहा पण्णत्ता, तंजहा-वग्गुली जाव जे यावण्णे तहप्पगारा, से तं चम्मपक्खी / से किं तं लोमपक्खी ? 2 अणेगविहा पण्णत्ता, तंजहा-ढेका कंका जे यावण्णे तह पगारा, से तं लोमपक्खी / से किं तं समुग्गपवखी ? 2 एगागारा पण्णत्ता जहा पण्णवणाए, एवं विययपक्खी जाव जे यावण्णे तहप्पगारा ते समासओ दुविहा पण्णत्ता, तंजहा-पज्जत्ता य अपजत्ता य, गाणत्तं सरीरोगाहणा जह० अंगु० असं० उकोसेणं धणुपुहत्तं ठिई उक्कोसेणं बावत्तरि वाससहस्साई सेसं जहा जलयराणं जाव चउगइया दुआगइया परित्ता असंखेजा पण्णत्ता, से तं खहयरसमुच्छिमतिरिवखजोणिया, से तं समुच्छिमपंचेंदियतिरिक्खजोणिया // 36 // से किं तं गब्भवतियपंचेंदियतिरिक्खजोणिया ? 2 तिविहा पण्णत्ता, तंजहा-जलयरा थलयरा खहयरा // 37 / / से किं तं जलयरा ? जलयरा पंचविहा पण्णत्ता, तंजहा-मच्छा कसभा मगरा गाहा सुसुमारा, सव्वेसिं भेदो भाणियव्यो तहेव जहा पण्णवणाए, जाव जे याघण्णे तहप्पगारा ते समासओ दुविहा पण्णत्ता, तंजहा–पत्ता य अपजत्ता य, तेसि णं भंते ! जीवाणं कइ सरीरगा पण्णत्ता ? गोयमा! चत्तारि सरीरगा पण्णत्ता, ... तंजहा-ओरालिए वेउविए तेयए. कम्मए, सरीरोगाहणा जहण्णेणं अंगुलस्स असं
