________________ " रायपसेणइयं पुण पासणयाए ?.तं जइ णं से अज्जए ममं आगंतुं वएजा-'एवं खलु णत्तुया ! अहं तव अजए होत्था, इहेव सेयवियाए णयरीए अधम्मिए जाव णो सम्मं करभरवित्तिं पवत्तमि / तए णं अहं सुबहुं पावं कम्मं कलिकलुमं समजिणित्ता जाव णरएसु उववण्णे। तं मा णं णत्तुया ! तुम पि भवाहि अधम्मिए जाव णो सम्मं करभरवित्ति पवत्तेहि / मा णं तुमं पि एवं चेव सुबहं पावकम्मं जाव उववजिहि सि / ' तं जइ णं से अजए ममं आगंतुं एवं वएजा तो णं अहं सद्दहेजा पत्तिएजा रोएजा जहा अण्णो जीवो अण्णं सरीरं णो तं जीवो तं सरीरं / जम्हा णं से अजए ममं आगंतुं णो एवं वयासी तम्हा सुपइट्ठिया मम पइण्णा समणाउसो! जहा तं जीवो तं सरीरं। तए णं केसी कुमारसमणे पएसिं रायं एवं क्यासी-"अस्थि णं पएसी ! तव सूरियकंता णामं देवी?" "हंता अत्थि" / "जइ णं तुमं पएसी! तं सूरियकंतं देवि पहायं कयबलिकम्मं कयकोउयमंगलपायच्छित्तं सव्वालंकारविभूसियं केणइ पुरिसेणं यहाएणं जाव सव्वालंकारविभूसिएणं सद्धिं इट्टे सद्दफरिसरसरूवगंधे पंच विहे माणुस्सए कामभोगे पचणुभवमाणिं पासिजसि,तस्स णं तुमं पएसी ! पुरिसस्स कं डण्डं णिव्वतेजासि?" "अहं णं भंते ! तं पुरिसं हत्थच्छिण्णगं वा पायच्छिण्णगं वा सूलाइयं वा मूलभिण्णगं वा एगाहच्चं कुडाहच्चं जीवियाओ ववरोवए जा" / "अह णं पएसी! ने पुरिसे तुमं एवं वएजा-'मा ताव मे सामी ! सुमुहुत्तगं हत्थच्छिण्णगं वा जाव जीवियाओ ववरोवेहि जाव तावाहं मित्तणाइणियगसयणसंबंधिपरिजणं एवं वयामि'एवं खलु देवाणुप्पिया! पावाई कम्माइं समायरित्ता इमेयारूवं आवइं पाविजामि, तं मा णं देवाणुप्पिया ! तुब्भे वि केइ पावाई कम्माइं समायरउ, मा णं से वि एवं चेव आवइं पाविजिहिह जहा णं अहं' / तस्स णं तुमं पएसी ! पुरिसस्स खणमवि एयमटुं पडिसुणेजासि ?" “णो इणढे समढे"। "कम्हा णं ?" "जम्हा ण भंते ! अवराही णं से पुरिसे” / “एवामेव पएसी ! तव वि अजए होत्था इहेव सेयवियाए णयरीए अधम्मिए जाव णो सम्मं करभरवित्तिं पवत्तेइ / से णं अम्हं वत्तव्वयाए सुबहुं जाव उववण्णो / तस्स णं अजगस्स तुमं णत्तुए होत्था इट्टे कंते जाव पासणयाए / से णं इच्छइ माणुसं लोग हव्वमागच्छित्तए, णो चेवणं संचाएइ हव्वंमागच्छित्तए / चउहिँ ठाणेहिं पएसी ! अहुणोववण्णए णरएसु णेरइए इच्छइ माणुसं लोग हव्वमागच्छित्तए, णो चेव णं संचाएइ अहुणोववण्णए णरएसु णेरइए। से णं तत्थ महब्भूयं वेयणं वेएमाणे इच्छेजा माणुसं लोगं हव्व""णो चेव णं संचा
