________________ भद्रबाहुपदस्यार्थः वदिसद्दो पुव्वभणिओ तदिती तं चेव णामगोत्तेहिं। इस्सरियाइगुण भगो सो से अत्थित्ति तो भगवं॥१४॥ भई कल्लाणं ति य एगळं तं च सुबहुयं जस्स। सो होति सुबहुभद्दो सोभणभद्दो सुभद्दोत्ति // 12 // खीरासवमादीणि तु सुभाणि भद्दाणि नस्स सुबहणि / सवओ इहपरलोए भदं तो सव्वतो भद्दो // 16 // आमोसहादि इह भद्द परलोए होतऽणुत्तरसुरादी। सुकुलुप्पत्ती य तओ ततो पच्छा य णेव्वाणं // 17 // भातित्ति भद्दमहवा भाई णाणादिएहिं सो जम्हा / सो होति भणामो कुव्वति भहाणि वा जम्हा // 18 // पवयण दुवालसंगं तस्स हितो जं करेतऽवोच्छित्तिं / संघो तु पवयणं तू हितोवदेसं अतो तस्स // 19 // केतृसहो उसिए सियं तुंगं तु तस्स तु सुहं तो। इहलोए परलोए सो भगवं होति परमसुही // 20 // वायणपभावणया सुतणाणगुणा य जे वदति लोए / विउसपरिसाए मज्झे सुतणाणपभावणा एसा // 21 // किं कारण तस्स कओ महया भत्तीय तृ णमोकारो। जम्हा तेणं जूढा अम्ह हियट्ठाय सुत्त इमे // 22 //
