________________ 140 ] [ श्रीमदागमसुधासिन्धु :: षष्ठो विभागः तुल्ले श्रोगाहणट्टयाए तुल्ले ठिईए तिट्ठाणवडिए बन्नगंधरसफासपनवेहि तिहिं नाणेहिं दोहिं अन्नाणेहिं तिहिं दंसणेहिं छट्ठाणवडिए, से एएणतुणं जाव पनत्ता 2 / उकोसोगाहणएवि एवं चेव, नवरं ठिईए सिय हीणे सिय तुल्ले सिय अब्भहिए, जइ हीणे असंखिजइभागहीणे, अह अब्भहिए असंखेजइभागअब्भहिए, दो नाणादो अन्नाणा दो दंसणा, अजहन्नमणुकोसोगाहणएवि एवं चेव, णवरं श्रोगाहणट्ठयाए चउट्ठाणवडिए, ठिईए चउट्टाणवडिए थाइल्लेहिं चाहिं नाणेहिं छट्ठाणवडिए, केवलनाणपज्जवेहिं तुल्ले, तिहिं अन्नाणेहिं तिहिं दंसणेहिं छट्ठाणवडिए, केवलदंसणपजवेहिं तुल्ले 3 / जहन्नठियाणं भंते ! मणुस्साणं केवइया पन्जवा पन्नत्ता ?, गोयमा ! अणंता पजवा पन्नत्ता 4 ।से केणढणं भंते ! एवं वुच्चइ ?, गोयमा ! जहन्नटिइए मणुस्से जहन्नठिझ्यस्स मणुस्सस्स दव्वट्ठयाए तुल्ले पएसट्टयाए तुल्ले योगाहणट्टयाए चउट्ठाणवडिए ठिईए तुल्ले वन्नगंधरसफासपजवेहिं दोहिं अन्नाणेहिं दोहिं दंसणेहि छट्ठाणवडिए, से ऐएण?णं जाव पन्नत्ता 5 / एवं उक्कोसठिइएवि, नवरं दो नाणा दो अन्नाणा दो दंसणा, अजहन्नमणुक्कोसठिइएवि एवं चेव, नवरं ठिईए चउट्ठाणवडिए योगाहणट्टयाए चउट्ठाणवडिए पाइल्लेहिं चउहिं नाणेहिं छट्ठाणवडिए केवलनाणपज्जवेहिं तुल्ले तिहिं अन्नाणेहिं तिहिं दंसणेहिं छट्ठाणवडिए केवलदंसणपजवेहिं तुल्ले 6 / जहन्नगुणकालगाणं भंते ! मणुस्साणं केवइया पजवा पन्नत्ता ?, गोयमा ! अणंता पजवा पत्नत्ता 7 / से केणटेणं भंते ! एवं वुच्चइ ?, गोयमा ! जहन्नगुणकालए मणूसे जहन्नगुणकालगस्स मणुस्सस्स दव्वट्ठयाए तुल्ले पएसट्टयाए तुल्ले योगाहणट्टयाए चउट्ठाणवडिए ठिईए चउट्ठाणवडिए कालवन्नपजवेहिं तुल्ले अवसेसेहिं वन्नगंधरसफासपजवेहिं छट्टाणवडिए चउहिं नाणेहिं छट्ठाणवडिए केवलनाणपजवेहिं तुल्ले तिहिं अन्नाणेहिं तिहिं दंसणेहिं छट्टाणवडिए केवलदंसणपज्जवेहिं तुल्ले, से एएण?णं जाव पन्नत्ता 8 / एवं उक्कोसगुण
