________________ 132 ) [ श्रीमदागमसुधासिन्धुः पञ्चमो विभागः पुरथिमिल्लेणं दारेणं अणुपविसति अणुपविसित्ता जेणेव सीहासणे तेणेव उवागच्छति सीहासणवरगते पुरस्थाभिमुहे सन्निसन्ने 1 / तए णं तस्स सूरियाभस्स देवस्स सामाणियपरिसोववन्नगा अलंकारियभंडं उवट्ठवेंति, तए णं से सूरियाभे देवे तप्पढमयाए पम्हलसूमालाए सुरभीए गंधकासाईए गायाइं लूहेति लूहित्ता सरसेणं गोसीसचंदणेणं गायाइं अणुलिपति अणुलिंपित्ता नासानीसासवायवोझ चक्खुहरं वनफरिसजुत्तं हयलालापेलवातिरेगं धवलं : कणगखचियंतकम्मं श्रागासफालियसमप्पभं दिव्वं देवदूसजुयलं नियंसेति नियंसेत्ता हारं पिणद्धेति पिणद्धित्ता अद्भहारं पिणद्धेइ एगावलि पिणद्धेति पिणद्धित्ता मुत्तावलि पिणद्धेति पिणद्धित्ता रयणावलिं पिणद्धेइ पिणद्धित्ता एवं अंगयाइं केयूराई कडगाइं तुडियाई कडिसुत्तगं दसमुदाणंतगं वच्छसुत्तगं मुरविं कंठमुरविं पालंब कुडलाई चूडामणिं मउडं पिणद्धेइ गंथिम-वेढिम-पूरिम-संघाइमेणं चउविहेणं मल्लेणं. कप्परुक्खगं पिव अप्पाणं अलंकियविभूसियं करेइ करित्ता ददरमलयसुगंधगंधिएहिं गायाइं भुखंडेइ दिव्वं च सुमणदामं पिणद्धेइ 2 // सू० 137 // तए णं से सूरियाभे देवे केसालंकारेणं मलालंकारेण श्राभरणालंकारेणं वत्थालंकारेणं चउबिहेण अलंकारेण अलंकियविभूसिए समाणे पडिपुराणलंकारे सीहासणाश्रो अन्भुट्ठति अब्भुट्टित्ता अलंकारियसभायो पुरथिमिल्लेणं दारेणं पडिणिक्खमइ पडिणिक्खमित्ता जेव ववसायसभा तेणेव उवागच्छति ववसायसभं अणुपयाहिणीकरेमाणे अणुपयाहिणिकरेमाणे पुरथिमिल्लेणं दारेणं यणुपविसति, जेणेव सीहासणवरगए जाव सन्निसन्ने 1 / तए णं तस्स सूरियाभस्स देवस्स सामाणियपरिसोववन्नगा देवा पोत्थयरयणं उवणेति (उवणमंति) 2 / तते णं से सूरियाभे देवे पोत्थयरयणं गिरहति गिरिहत्ता पोत्थयरयणं मुयइ मुइत्ता पोत्थयरयणं विहाडेइ. विहाडित्ता पोत्थयरयणं वाएति पोत्थयरयणं वाएत्ता
