________________ 38) [ श्रीमदागमसुधासिन्धुः / चतुर्थो विभागः णंदियावत वद्धमाणग भासण कलस मच्छ दप्पण जाव बहवे अत्यत्थिया जाव ताहिं इटाहिं जाव अणारयं अभिणंईता य अभियुणं ता य एवं वदासी-जय 2 णंदा ! जय 2 णंदा जय 2 भदा ! भदं ते अजियाई जिणाहि दियाइं जियं च पालेहि समणधम्मं जियविग्घोविय वसाहि तं देव ! सिद्धिमज्झे, निहणाहि रागदोसमल्ले तवेणं वितिधणिय(वलिय)बद्धकच्छे, महाहि य अट्टकम्मसत्तू झाणेणं उत्तमेणं सुक्केणं, अप्पमत्तो पावय वितिमिरमणुत्तरं केवलं नाणं गच्छ य मोखं परमपयं सासयं त्र अयलं हंता परीसहचमु, अभीयो परीसहोवसग्गाणं धम्मे ते अविग्धं भवउत्तिकटु पुणो 2 मंगलजय 2 सह पति 21 / तते णं से मेहे कुमारे रायगिहस्स नगरस्स मज्झमज्झेणं निग्गवति 2 जेणेव गुणसिलए चेतिए तेणामेव उवागच्छति 2 पुरिससहस्सवाहिणीयो सीयायो पचोरुभति 22 // सूत्रं 28 // तते णं तस्स मेहस्स कुमारस्स अम्मापियरो मेहं कुमारं पुरो कट्टु जेणामेव समणे भगवं महावीरे तेणामेव उवागच्छति 2 त्ता समणं भगवं महावीरं तिखुत्तो पायाहिणं पयाहिणं करेंति 2 तावदंति नमसंति 2 ता एवं वदासी-एस णं देवाणुप्पिया / मेहे कुमारे अम्हं एगे पुत्ते इट्टे कते जाव जीवियाउसासए हिययणंदि(हिययाणंद)जए.ए उबरपुष्पंपि(वि)व दुल्लहे सवणयाए किमंग पुण दरिसणयाए ?, से जहा नामए उप्पलेति वा पउमेति वा कुमुदेति वा पंके जाए जले संवडिए नोवलिप्पइ पंकरएणं णोवलिपइ जलर एणं एवामेव मेहे कुमारे कामेसु जाए भोगेसुसंवुड्ढे नोवलिप्पति कामरएणं नोवलिप्पति भोगरपणं, एस णं देवाणुप्पिया ! संसारभउब्बिगे भीए जम्मणजरमरणाणं इच्छइ देवाणुप्पियाणं अंतिए मुंडे भवित्ता यागारायो श्रणगारियं पब्बतित्तए, अम्हे णं देवाणुप्पियाणं सिस्सभिक्खं दलयामो, पडिच्छंतु णं देवाणुप्पिया ! सिस्सभिक्खं 1 / तते णं से समणे भगवं महावीरे मेहस्स अम्मापिऊएहिं एवं वुत्ते समाणे एयम8 सम्म पडिसुणेति
