________________ 312 ] [ श्रीमदागमसुधासिन्धुः चतुर्थो विभागः पढमस्स णं भंते ! अझयणस्स अंतगडदसाणं समणेणं जाव संपत्तेणं के अ? पन्नते ?, एवं खलु जंबू ! ते णं काले णं 2 बारवतीणाम नगरी होत्या, दुवालसंजोयणायामा नवजोयणविस्थिराणा धणवइमतिनिम्माया चामीकरपागारा नाणामणिपंचवन्नकविसीसगमंडिया सुरम्मा अलकापुरिसंकासा पमुदितपक्कीलिया पञ्चक्खं देवलोगभूया पासादीया 4, तीसे णं वारवतीनयरीए बहिया उत्तरपुरच्छिमे दिसीभागे एस्थ णं रेवतते नामं पव्वते होत्था, वगणतो, तत्थ णं रेवतते पवते नंदणवणे नामं उजाणे होत्था वन्नयो, सुरप्पिए नामं जक्खायतणे होत्था पोराणे०, से णं एगेणं वणसंडेणं०, असोगवरपायवे 3 / तत्थ णं बारवतीनयरीए कराहे णामं वासुदेवे राया परिवसति महता हिमवंतमहंत-मलय-मंदरमहिंदसारे, रायवन्नतो, से णं तस्थ समुइविजयपामोक्खाणं दसराहं दसाराणं बलदेवपामोक्खाणं पंचराहं महावीराणं पज्जुनपामोक्खागां अद्भुट्ठाणं कुमारकोडीगां संबपामोवखाणं सट्ठीए दुइतसाहस्सीणां महसेणपामोक्खाणां छप्पराणाए बलवगसाहस्सीणं वीरसेगापामोक्खाणं एगवी साते वीरसाहस्सीणं उग्गसेणपामोक्खागां सोलसराहं रायसाहस्सीणां रुप्पिणियापामोक्खाणं सोलसराहं देविसाहस्सीण अणंगसेणापामोक्खाणां अणेगाणां गणियासाहस्सीणं अन्नेसिं च बहूणं ईसर जाव सत्थवाहाणं बारवतीर नयरीए अद्धभरहस्स य समस्थस्स आहेबच्चं जाव विहरति 4 / तत्थ णं बारवतीए नयरीए अंधगवराही णामं राया परिवसति, महता हिमवंत महंत-मलय-मंदर-महिंदसारे जाव पसंतडिंबडमरं रज्जं पसासेमाणे विहरति, तस्स णं अंधकवरिहस्स रनो धारिणी नामं देवी होत्था वन्नयो, तते णं सा धारिणी देवी अन्नदा कदाई तंसि तारिसगंसि सयणिज्जसि एवं जहा महब्बले, सुमिणद्दसणकहणा जम्मं बालत्तयां कलातो य। जोव्वणपाणिग्गहणां कतारणा) पासायभोगा य॥ 1 // नवरं गोयमो नामेगां अट्ठराहं रायवरकन्नागां एगदिवसेणां पाणिं गेराहावेंति अट्टयो
