________________ श्रीमदुपासकदशाङ्ग-सूत्रम् / अध्ययन = ] ___तए णं तीसे रेवईए गाहावइणोए अन्नया कयाई पुज्वरत्तावरत्तकालसमयंसि कुडुम्ब जाव इमेयारूवे अज्झथिए 4, एवं खलु अहं इमासि दुवाल सराहं सवत्तीणं विघाएणं नो संचाएमि महासयएणं समणोवासएणं सद्धिं उरालाई माणुस्सयाई भोगभोगाई भुञ्जमाणी विहरित्तए, तं सेयं खलु ममं एयायो दुवालसवि सवत्तियायो अग्गिप्पयोगेणं वा सत्थप्पयोगेणं वा विसप्पयोगेणं वा जीवियायो ववरोवित्ता एयासिं एगमेगं हिरराणकोडिं एगमेगं वयं च सयमेव उवसम्पजित्ता णं महासयएणं समणोवासएणं सद्धिं उरालाइं जाव विहरित्तए, एवं सम्पेहेइ 2 तासिं दुवालसराहं सवत्तीणं अन्तराणि य छिहाणि य विवराणि (विरहाणि) य पडिजागरमाणी विहरइ 1 / तए णं सा रेवई गाहावइणी अन्नया कयाई तासिं दुवालसराहं सवत्तीयां अन्तरं जाणित्ता छ सवत्तीयो सत्थप्पयोगेणं उद्दवेइ 2 छ सवत्तीयो विसप्पयोगेणं उद्दवेइ 2 तासिं दुवालसराहं सवत्तीणं कोलघरियं एगमेगं हिरराणकोडि एगमेगं वयं सयमेव पडिबजइ 2 महासयएणं समणोवामएणं सद्धिं उरालाई भोगभोगाइं भुञ्जमाणी विहरइ 2 / तए णं सा रेवई गाहावइणी मंसलोलुया मंसेसु मुच्छिया जाव अझोववन्ना बहुविहेहिं मंसेहि य सोल्लेहि य तलिएहि य भजिएहि य सुरं च महुं च मेरगं च मज्जं च सीधु च पसन्नं च यासाएमाणी 4 विहरइ 2 // सू० 48 // तए णं रायगिहे नयरे अन्नया कयाई अमाघाए घुटठे यावि होत्था, तए णं सा रेवई गाहावइणी मंसलोलुया मंसेसु मुच्छिया 4 कोलघरिए पुरिसे सद्दावेइ 2 एवं वयासी-तुब्भे देवाणुप्पिया ! मम कोलघरिएहित वएहितो कल्लाकलिं दुवे दुवे गोणपोयए उद्दवेह 2 ममं उवणेह 1 / तए णं ते कोलघरिया पुरिसा रेवईए गाहावइणीए तहत्ति एयमदं विणएणं पडिसुणन्ति 2 रेवईए गाहावइणीए कोलघरिएहितो वएहितो कल्लाकलि दुवे दुवे गोणपोयए वहेन्ति 2 रेवईए गाहावइणीए उवणेन्ति तए णं सा
