________________ श्रीमद्व्याख्याज्ञप्ति (श्रीमद्भगवती) सूत्र " शतकं 12 : उ० 2 [411 अपरियावणियाए वट्टति, ते णं जीवा जागरमाणा अप्पाणं वा परं वा तदुभयं वा बहूहिं धम्मियाहिं संजोयणाहिं संजोएत्तारो भवंति, एए णं जीवा जागरमाणा धम्मजागरियाए अप्पाणं जागरइत्तारो भवंति, एएसि णं जीवाणं जागरियत्तं साहू, से तेण?णं जयंती ! एवं वुच्चइ अथेगइयाणां जीवाणं सुत्तत्तं साहू अत्थेगइयाणां जीवाणं जागरियत्तं साहू 7 / बलियत्तं भंते ! साहू दुबलियत्तं साहू ?, जयंती ! अत्थेगइयाणां जीवाणं बलियत्तं साहू अत्थेगइयाणां जीवाणं दुबलियत्तं साहू 8 / से केण?णं भंते ! एवं वुच्चइ जाव साहू ?, जयंती ! जे इमे जीवा अहम्मिया जाव विहरंति एएसि णं जीवाणं दुबलियत्तं साहू, एए णं जीवा एवं जहा सुत्तस्स तहा दुबलिस्स वत्तव्वया भाणियन्वा, बलियस्स जहा जागरस्स तहा भाणियध्वं जाव संजोएत्तारो भवंति, एएसि णं जीवाणं बलियत्तं साहू ?, से तेण?णं जयंती ! एवं बुच्चइ तं चेव जाव साहू 1 / दक्खत्तं भंते ! साहू यालसियत्तं साहू ?, जयंती ! अत्थेगतियाणं जीवाणं दवखत्तं साहू अत्थेगतियाणां जीवाणं श्रालसियत्तं साहू 10 / से केण?णं भंते ! एवं वुच्चइ तं चेव जाव साहू, ?, जयंती ! जे इमे जीवा अहम्मिया जाव विहरंति एएसि णं जीवाणं पालसियत्तं साहू, एए णं जीवा थालसा समाणा नो बहूणं जहा सुत्ता बालसा भाणियबा, जहा जागरा तहा दक्खा भाणिवा जाव संजोएतारो भवंति, पए णं जीवा दक्खा समाणा बहूहि शायरियवेयापव्वेहिं अज्झायवेयावच्चेहि थेरवेयावच्चेहिं तवस्सिवेयावच्चेहिं गिलाणवेयावच्चेहिं सेहवेयावच्चेहिं कुलवेयावच्चेहि गणवेयावच्चेहिं संघवेयावच्चेहिं साहम्मियवेयावच्चेहिं अत्ताणं संजोएत्तारो भवंति, एएसि णं जीवाणं दक्खत्तं साहू, से तेणढणं तं चेव जाव साहू 11 / सोइंदियवस? णं भंते ! जीवे किं बंधइ ?, एवं जहा कोहवसट्टे तहेव जाव अणु परियट्टइ 12 / एवं चक्खिदियवसट्टेवि, एवं जाव फासिदियवसट्टे
