________________ 434 ] [ श्रीमदागमसुधासिन्धुः : प्रथमो विभागः मेसाते उस्मप्पिणीते इहेब जंबुद्दीवे दीवे भारहे वासे वेयडगिरिपायमूले पुडेसु जणवतेसु सतवारे गागरे संमुइस्स कुलकरस्स भदाए भारियाए कुच्छिसि पुमत्ताए पञ्चायाहिती, तए णं सा भद्दा भारिया नवराहं मासाणं बहुपडिपुराणाणं अट्ठमाण य राइंदियाणं वीतिक्कंताणं सुकुमालपाणिपातं ग्रहीणपडिपुन्नपंचिंदियसरीरं लक्खणवंजण जाव सुरूवं दारगं पयाहिती 2 / जं रयणिं च णं से दारए पयाहिती तं रयगि च णं सतदुवारे णगरे सभितरबाहिरए भारग्गसो य कुंभग्गसो त पउमवासे त रयणवासे त वासे वासिहिती, तए णं तस्स दारयस्स अम्मापियरो एकारसमे दिवसे वइक्कंते जाव बारसाहे दिवसे अयमेयास्वं गोराणं गुणनिष्फरणं नामधिज्जं काहिति जम्हा णं श्रम्हमिमंसि दारगंसि जातंसि समाणंसि सयदुवारे नगरे सब्भितरबाहिरए भारग्गसो य कुभग्गसो य पउमवासे य रयणवासे य वासे वुठे तं होऊ णमम्हमिमस्स दारगस्स नामधिज्ज महापउमे 2, तए णं तस्स दारगस्स अम्मापियरो नामधिज्ज काहिंति-महापउमेत्ति 3 / तए णं महापउमं दारगं अम्मापितरो सातिरेगं अट्ठवासजातगं जाणित्ता महता रायाभिसेएणं अभिसिंचिहिति, से णं तत्थ राया भविस्सति महता हिमवंतमहंतमलयमंदररायवन्नतो जाव रज्जं पसाहेमाणे विहरिस्सति / तते णं तस्स महापउमस्स रन्नो अन्नया कयाइ दो देवा महिड्डिया जाव महेसक्खा सेणाकम्म काहिती, तंजहा-पुन्नभद्दते माणिभदते, तए णं मतदुवारे नगरे बहवे राती. सर-तलवर-माडंबित-कोडुबित-इब्भसेडिसेणावति-सत्थवाहप्पभितयो अन्नमन्नं सहावेहिंति एवं वतिस्संति जम्हा णं देवाणुप्पिया ! अम्हं महापउमरस रन्नो दो देवा महिड्डिया जाव महेसक्खा सेनाकम्मं करेंति, तंजहा-पुन्नभद्दे त माणिभद्दे य, तं होऊ णमम्हं देवाणुप्पिया ! महापउमस्स रन्नो दोच्चेऽवि नामधेज्जे देवसे, तते णं तस्स महापउमस्स दोच्चेवि नामधेज्जे भविस्सइ देवसेणेति 2, तए णं तस्स देवसेणस्स रनो अन्नता
