________________
२३८
श्री स्थानांग सूत्र
सिद्ध महहिमवंते, हिमवंते रोहिया हरिकडे ।
हरिकंता हरिवासे, वेरुलिय चेव कूडा उ ॥ १ ॥ जंबूमंदर उत्तरेणं रुप्पिम्मि वासहरपव्वए अट्ठ कूडा पण्णत्ता तंजहा -
सिद्धे य रुप्पी रम्मग, णरकंता बुद्धि रुप्पकडे य ।
हिरण्णवए मणिकंचणे य, रुप्पिम्मि कूडा उ ॥ २ ॥ जंबूमंदर पुरच्छिमेणं रुयगवरे पव्वए अट्ठ कूडा पण्णत्ता तंजहा -
रिटे तवणिज कंचण, रयय दिसासोत्थिए पलंबे य ।
अंजणे अंजणपुलए, रुयगस्स पुरच्छिमे कूडा ॥ ३ ॥. .. तत्थ णं अट्ठ दिसाकुमारि महत्तरियाओ महिड्डियाओ जाव पलिओवम ठिइयाओ परिवसंति तंजहा -
णंदुत्तरा य णंदा, आणंदा णंदिवद्धणा ।
विजया य वेजयंती, जयंती अपराजिया ॥ ४ ॥ जंबूमंदर दाहिणेणं रुयगवरे पव्वए अट्ठ कूडा पण्णत्ता तंजहा -
कणए कंचणे पउमे, णलिणे ससि दिवायरे चेव ।
वेसमणे वेरुलिए, रुयगस्स उ दाहिणे कूड़ा ॥ ५ ॥ तत्थ णं अट्ठ दिसाकुमारि महत्तरियाओ महिड्डियाओ जाव पलिओवम ठिईयाओ परिवसंति तंजहा
समाहारा सुष्पइण्णा, सुप्पबुद्धा जसोहरा।
लच्छिवई सेसवई, चित्तगुत्ता वसुंधरा ॥ ६ ॥ जंबूमंदर पच्चत्थिमेणं रुयगवरे पव्वए अट्ठ कूडा पण्णत्ता तंजहा - .
सोत्थिए य अमोहे य, हिमवं मंदरे तहा ।
रुयगे रुयगुत्तमे चंदे, अट्ठमे य सुदंसणे ॥ ७ ॥ तत्य णं अट्ठ दिसाकुमारि महत्तरियाओ महिड्डियाओ जाव पलिओवमठिईयाओ परिवसंति तंजहा -
इला देवी सुरादेवी, पुढवी पउमावई । एगणासा णवमिया, सीया भहा य अट्ठमा ॥ ८ ॥
Jain Education International
For Personal & Private Use Only
www.jainelibrary.org
