________________
सप्तम् वक्षस्कार - मास समापक नक्षत्र
४५३
तस्स णं मासस्स जे से चरिमे दिवसे तंसि च णं दिवसंसि लेहट्ठाइं चत्तारि पयाई पोरिसी भवइ।
हेमंताणं भंते! तच्चं मांस कइ णक्खत्ता णेति?
गोयमा! तिण्णि०, तंजहा-पुस्सो असिलेसा महा, पुस्सो चोद्दस राइंदियाई णेइ, असिलेसा पण्णरस० महा एक्कं, तया णं वीसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि तिण्णि पयाई अटुंगुलाई पोरिसी भवइ।
हेमंताणं भंते! चउत्थं मासं कइ णक्खत्ता ऐति?
गोयमा! तिण्णि णक्खत्ता तंजहा-महा पुव्वाफग्गुणी उत्तराफग्गुणी, महा चउद्दस राइंदियाई णेइ, पुलवाफग्गुणी पण्णरस राइंदियाई णेइ, उत्तराफग्गुणी एगं राइंदियं णेइ, तया णं सोलसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि तिण्णि पयाइं चत्तारि अंगुलाई पोरिसी भवइ।
गिम्हाणं भंते! पढमं मासं कइ णक्खत्ता ऐति? - गोयमा! तिण्णि णक्खत्ता ऐति, तंजहा-उत्तराफग्गुणी हत्थो चित्ता, उत्तराफग्गुणी चउद्दस राइंदियाई णेइ, हत्थो पण्णरस राइंदियाइं णेइ, चित्ता एगं राइंदियं णेइ, तया णं दुवालसंगुलपोरिसीए छायाए सूरिए अणुपरियट्टइ। ___ तस्स णं मासस्स जे से चरिमे दिवसे तंसि च णं दिवसंसि लेहट्ठाई तिण्णि पयाई पोरिसी भवइ।
गिम्हाणं भंते! दोच्चं मासं कइ णक्खत्ता ऐति?
गोयमा! तिण्णि णक्खत्ता ऐति, तंजहा-चित्ता साई विसाहा, चित्ता चउद्दस राइंदियाइं णेइ, साई पण्णरस राइंदियाई णेइ, विसाहा एगं राइंदियं णेइ, तया णं अटुंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि च णं दिवसंसि दो पयाई अटुंगुलाई पोरिसी भवइ।
Jain Education International
For Personal & Private Use Only
www.jainelibrary.org
