________________
सप्तम् वक्षस्कार
-
ताप-क्षेत्र
से णं भंते! परिक्खेवविसेसे कओ आहिएति वएज्जा ?
गोयमा! जे णं जंबुद्दीवस्स २ परिक्खेवे तं परिक्खेवं तिहिं गुणेत्ता दसहिं छेत्ता दसभागे हीरमाणे एस णं परिक्खेवविसेसे आहिएति वएज्जा ।
Jain Education International
४०१
तया णं भंते! तावखेत्ते केवइयं आयामेणं पण्णत्ते ?
गोयमा ! अट्ठहत्तरं जोयणसहस्साइं तिण्णि य तेत्तीसे जोयणसए जोयणस्स तिभागं च आयामेणं पण्णत्ते ।
मेरुस्स मज्झयारे जाव य लवणस्स रुंदछब्भागो ।
तावायामो एसो सगडुद्धीसंठिओ णियमा ॥१॥
तया णं भंते! किंसंठिया अंधयारसंठिई पण्णत्ता ?
गोयमा! उड्डीमुहकलंबुयापुप्फसंठाणसंठिया अंधयारसंठिई पण्णत्ता, अंतो संकुया बाहिं वित्थडा तं चेव जाव तीसे णं सव्वब्भंतरिया बाहा मंदरपव्वयंतेणं छज्जोयणसहस्साइं तिण्णि य चउवीसे जोयणसए छच्च दसभाए जोयणस्स परिक्खेवेति ।
से णं भंते! परिक्खेवविसेसे कओ आहिएति वएज्जा ?
गोयमा ! जेणं मंदरस्स पव्वयस्स पंरिक्खेवे तं परिक्खेवं दोहिं गुणेत्ता दसहिं छेत्ता दसहिं भागे हीरमाणे एस णं परिक्खेवविसेसे आहिएति वएज्जा, तीसे गं सव्वबाहिरिया बाहा लवणसमुद्दतेणं तेसट्टी जोयणसहस्साइं दोण्णि य पणयाले जोयणसए छच्च दसभाए जोयणस्स परिक्खेवेणं ।
से णं भंते! परिक्खेवविसेसे कओ आहिएति वएज्जा ?
गोयमा ! जे णं जंबुद्दीवस्स २ परिक्खेवे तं परिक्खेवे तं परिक्खेवं दोहिं गुत्ता जाव तं चेव ।
तया णं भंते! अंधयारे केवइए आयामेणं पण्णत्ते ?
गोयमा! अट्ठहत्तरं जोयणसहस्साइं तिण्णि य तेत्तीसे जोयणसए तिभागं च आयामेणं पण्णत्ते ।
For Personal & Private Use Only
www.jainelibrary.org
