________________
चतुर्थ वक्षस्कार - विद्युत्प्रभ वक्षस्कार पर्वत
३०१
विद्युत्प्रभ वक्षस्कार पर्वत
(१३०) . कहि णं भंते! जम्बुद्दीवे २ महाविदेहे वासे विजुप्पभे णामं वक्खारपव्वए पण्णत्ते?
गोयमा! णिसहस्स वासहरपव्वयस्स उत्तरेणं मंदरस्स पव्वयस्स दाहिणपच्चत्थिमेणं देवकुराए० पचत्थिमेणं पम्हस्स विजयस्स पुरथिमेणं एत्थ णं जम्बुद्दीवे २ महाविदेहे वासे विजुप्पभे० वक्खारपव्वए पण्णत्ते, उत्तरदाहिणायए एवं जहा मालवंते णवरि सव्वतवणिजमए अच्छे जाव देवा आसयंति०।
विजुप्पभे णं भंते! वक्खारपव्वए कइ कूडा पण्णत्ता?
गोयमा! णव कूडा पण्णत्ता, तंजहा-सिद्धाययणकूडे विजुप्पभकूडे देवकुरुकूडे पम्हकूडे कणगकूडे सोवत्थियकूडे सीओयाकूडे सयजलकूडे हरिकूडे।
सिद्धे य विजुणामे देवकुरु पम्हकणग-सोवत्थी। सीओया य सयजलहरिकूडे चेव बोद्धव्वे॥१॥
एए हरिकूडवजा पंचसइया णेयव्वा, एएसिं कूडाणं पुच्छा दिसिविदिसाओ णेयव्वाओ जहा मालवंतस्स हरिस्सहकूडे तह चेव हरिकूडे रायहाणी जह चेव दाहिणेणं चमररायहाणी तह णेयव्वा, कणगसोवत्थियकूडेसु वारिसेणबलाहयाओ दो देवयाओ अवसिट्टेसु कूडेसु कूडसरिसणामया देवा रायहाणीओ दाहिणेणं,
से केणटेणं भंते! एवं वुच्चइ-विजुप्पभे वक्खारपव्वए २? . गोयमा! विजुप्पभे णं वक्खारपव्वए विजुमिव सव्वओ समन्ता ओभासेइ उज्जोवेइ पभासइ विजुप्पभे य इत्थ देवे जाव पलिओवमट्टिइए परिवसइ, से एएणटेणं गोयमा! एवं वुच्चइ-विजुप्पभे० २ अदुत्तरं च णं जाव णिच्चे। - भावार्थ - हे भगवन्! जम्बूद्वीप में महाविदेह क्षेत्र के अनतर्गत विद्युत्प्रभ नामक वक्षस्कार पर्वत कहाँ बतलाया गया है?
Jain Education International
For Personal & Private Use Only
www.jainelibrary.org
