________________
२६०
जम्बूद्वीप प्रज्ञप्ति सूत्र
अद्धजोयणं बाहल्लेणं तासि णं उप्पिं तत्तेयं २ महिंदज्झया पण्णत्ता, ते णं महिंदज्झया अद्धट्ठमाई जोयणाई उई उच्चत्तेणं अद्धकोसं उव्वेहेणं अद्धकोसं बाहल्लेणं वइरामयवट्टवण्णओ वेइयावणसंडतिसोवाणतोरणा य भाणियव्वा, तासि णं सभाणं सुहम्माणं छच्च मणोगुलिया-साहस्सीओ पण्णत्ताओ, तंजहापुरथिमेणं दो साहस्सीओ पण्णत्ताओ पच्चत्थिमेणं दो साहस्सीओ, दक्खिणेणं एगा साहस्सी उत्तरेणं एगा जाव दामा चिटुंतित्ति, एवं गोमाणसियाओ, णवरं धूवघडियाओत्ति। .
- तासि णं सुहम्माणं सभाणं अंतो बहुसमरमणिजे भूमिभागे पण्णत्ते, . मणिपेढिया दो जोयणाई आयामविक्खम्भेणं जोयणं बाहल्लेणं, तासि णं मणिपेढियाणं उप्पिं माणवए चेइयखम्भे महिंदज्झयप्पमाणे उवरिं छक्कोसे ओगाहित्ता हेट्ठा छक्कोसे वजित्ता जिणसकहाओ पण्णत्ताओत्ति, माणवगस्स पुव्वेणं सीहासणा सपरिवारा पच्चत्थिमेणं सयणिजवण्णओ, सयणिजाणं उत्तरपुरत्थिमे दिसीभाए खुड्डगमहिंदज्झया मणिपेढिया विहूणा महिंदज्झयप्पमाणा, तेसि अवरेणं चोप्फाला पहरणकोसा, तत्थ णं बहवे फलिहरयणपामुक्खा जाव चिटुंति, सुहम्माणं० उप्पिं अट्ठट्ठमंगलगा तासि णं उत्तरपुरथिमेणं सिद्धाययणा एस चेव जिणघराणवि गमोत्ति णवरं इमं णाणत्तं एएसिं णं बहुमज्झदेसभाए पत्तेयं २ मणिपेढियाओ दो जोयणाई आयामविक्खंभेणं जोयणं बाहल्लेणं, तासिं उप्पिं पत्तेयं २ देवच्छंदया पण्णत्ता, दो जोयणाई आयामविक्खम्भेणं साइरेगाइं दो जोयणाई उद्धं उच्चत्तेणं सव्वरयणामया जिणपडिमा वण्णओ जाव धूवकडुच्छगा एवं अवसेसाणवि सभाणं जाव उववायसभाए सायणिजं हरओ य।
अभिसेयसभाए बहु आभिसेक्के भंडे, अलंकारियसभाए बहु अलंकारियभंडे चिट्ठइ, ववसाय-सभासु पुरत्थयरयणा, गंदा पुक्खरिणीओ बलिपेढा दो जोयणाई आयाम-विक्खम्भेणं जोयणं बाहल्लेणं जाव त्ति
Jain Education International
For Personal & Private Use Only
www.jainelibrary.org
