________________
द्वितीय वक्षस्कार - परिनिर्वाण पर देवकृत महोत्सव
८६
भगवओ तित्थगरस्स एगं गणहराणं एगं अवसेसाणं अणगाराणं, तए णं ते बहवे भवणवइ जाव वेमाणिया० तओ सिबियाओ विउव्वंति, एगं भगवओ तित्थगरस्स एगं गणहराणं एगं अवसेसाणं अणगाराणं।
तए णं से सक्के देविंदे देवराया विमणे णिराणंदे अंसुपुण्णणयणे भगवओ तित्थगरस्स विणट्ठजम्मजरामरणस्स सरीरगं सीयं आरुहेइ २ चिइगाए ठवेइ, तए णं ते बहवे भवणवइ जाव वेमाणिया देवा गणहराणं अणगाराण य विण?जम्मजरामरणाणं सरीरगाइं सीयं आरुहेति २ त्ता चिइगाए ठवेंति, तए णं से सक्के देविंदे देवराया अग्गिकुमारे देवे सद्दावेइ २ त्ता एवं वयासी - खिप्पामेव भो देवाणुप्पिया! तित्थगरचिइगाए जाव अणगारचिइगाए अगणिकायं विउव्वह २ ता एयमाणत्तियं प्रचप्पिणह, तए णं ते अग्गिकुमारा देवा विमणा णिराणंदा अंसुपुण्णणयणा तित्थगरचिइयाए जाव अणगारचिइगाए अगणिकायं विउव्वंति।
तए णं से सक्के देविंदे देवराया! वाउकुमारे देवे सद्दावेइ २ त्ता एवं वयासीखिप्पामेव भो देवाणुप्पिया! तित्थगरचिइगाए जाव अणगारचिइगाए वाउक्कायं विउव्वह २ अगणिकायं उज्जालेह तित्थगरसरीरगं गणहरसरीरगाई अणगारसरीरगाई च झामेह, तएणं ते वाउकुमारा देवा विमणा णिराणंदा अंसुपुण्णणयणा तित्थगरचिइगाए जाव विउव्वंति अगणिकायं उजालेति तित्थगरसरीरगं जाव अणगार सरीरागाणि य झामेंति।
तए णं से सक्के देविंदे देवराया ते बहवे भवणवइ जाव वेमाणिए देवे एवं वयासी-खिप्पामेव भो देवाणुप्पिया तित्थगरचिइगाए जाव अणगारचिइगाए अगुरुतुरुक्कघयमहुं च कुंभग्गसो य भारग्गसो य साहरह। तए णं ते भवणवइ जाव तित्थगरचिइगाए जाव भारग्गसो य साहरंति। तए णं से सक्के देविंदे देवराया मेहकुमारे देवे सद्दावेइ २ त्ता एवं वयासी-खिप्पामेव भो देवाणुप्पिया! तित्थंगरचिइगं जाव अणगारचिइगं च खीरोदएणं णिव्वावेह।
Jain Education International
For Personal & Private Use Only
www.jainelibrary.org
