________________
परिशिष्ट-२
कमाणी संघवी मांडवगढ में देवड़ा समरसंघ राज करै, तिणरा बेटा ७। तिणमें छोटो बेटौ करमसंघ, तिणनै कामडीयौ जैर हुवौ । तीण समै सं० १०२६ वैसाख सूद ९ नै श्री जिनवरधमानसूरिजी विचरता उठे आय नीकल्या, जद राजा समाचार सुण्या, जद् वांदणने गया नै कयौ-के मारौं छोटौ बेटो कमौ नाम, जीण नै जेहर हुवौ सो आप उपगार करौ । 'जद महाराज पाणी मंत्र नै छांटीयौ, जद सावचेत हुयो, नवकार मंत्र लीयो । - श्री सिद्धाचलजी रौ सं० १०२६ मिगसर सुद् ९ संघ काढीयौ, हजार ४१ रुपीया खरचीया। साहमीवछल कीयौ जद महाराज सिंघवी पदरी माला आरोपण करी, जिणसुं कमाणी संघवी' गोत्र थापना हुई । मेरू जेसलमेर नौ छै।
इणारी फली मालवा में घणी छै। ताल भोपाल कनै, फेर चंडी ग्रामे छै। मेवाड़ में, फेर जेपर में घर छै । ३ में दीली मैं छै सौ दादाजी रा पगला कराया नै आषाढ सुद १५ पूजे तौ धन दौलत परवार वधै० न्हीं तो न्हो वधे औ वरदान दीयौ छै, गछ खरतर गछ ना श्रावअ हुया। खयात जूनै दक्तर सुं उतारी छ, सवाई जैपुर में ।
अथ वछांवतां री वंशावली वछावत चउवाण छै । चउवाणरी चौवीस खांप छै,
Jain Education International
For Personal & Private Use Only
www.jainelibrary.org
