________________
80. जो जाणदि अरहंतं दव्वत्तगुणत्तपज्जयत्तेहिं।
सो जाणदि अप्पाणं मोहो खलु जादि तस्स लयं।।
81. जीवो ववगदमोहो उवलद्धो तच्चमप्पणो सम्म।
जहदि जदि रागदोसे सो अप्पाणं लहदि सुद्ध।।
82. सव्वे वि य अरहंता तेण विधाणेण खविदकम्मंसा।
किच्चा तधोवदेसं णिव्वादा ते णमो तेसिं।।
83. दव्वादिएसु मूढो भावो जीवस्स हवदि मोहो त्ति।
खुब्भदि तेणुच्छण्णो पप्पा रागं व दोसं वा।।
84. मोहेण व रागेण वं दोसेण व परिणदस्स जीवस्स।
. जायदि विविहो बंधो तम्हा ते संखवइदव्वा।।
85. अढे अजधागहणं करुणाभावो य मणुवतिरिएसु।
विसएसु य प्पसंगो मोहस्सेदाणि लिंगाणि।
86. जिणसत्थादो अढे पच्चक्खादीहिं बुज्झदो णियमा।
खीयदि मोहोवचयो तम्हा सत्थं समधिदव्वं।।
87. दव्वाणि गुणा तेसिं पज्जाया अट्ठसण्णया भणिया।
तेसु गुणपज्जयाणं अप्पा दव्व त्ति उवदेसो।।
प्रवचनसार (खण्ड-1)
(115)
Jain Education International
For Personal & Private Use Only
www.jainelibrary.org
