________________
संगीत- बद्ध - साहित्य - खण्ड
फरस वस गज मीन रसना द्रग पतंग दही ।
भ्रमर नासा श्रवन सुनि म्रग मरत तान गही । । ३ । । टेक. यह प्रतच्छ विचारि लखि तजु करन विकलपही । त्यागि पर परनीति पर गुन समझ सीख यही । । ४ । । टेक. (२५) राग गौरी
जिनवानी उर धरतौ जौ तूं भाई जिनवानी उर धरतौ । सहज होइ इंद्रादिक के सुख गति - गति दुख विसरतौ । । १ । । जौ तूं . विषय कषाय विरचि - रचि समरस विघनकरत अभ डरतौ । वसुमद छेदि सुवेदि परम रस सात विसन उदगरतौ । । २ । । जौ तूं. तीन लोक विजई छिन अंतर मदन वान दरमरतौ । वैरिय उभय अनादि काल के राग दोष परिहरतौ । । ३ । । जौ तूं हेय उपादि ज्ञेय ज्ञाइक गुन भेद समझ सब परतौ । परम विवेख बडत उर अंतर परख स्वपर वर करतौ । । ४ । । व्रत तप सील साधि संजिम गुन आगम अरथ उचरतौ। इंद्रिय मन गन रोकि करि सुविधि कर्म उछरतौ । । ५ । । जौ तूं प्रगट समस्त विचारि परमगुन भवदधि पार उतरतौ । देवियदास कहत जब तेरौ अजर अमरपुर धरतौ । । ६ । । जौ तूं. (२६) राग सोरठ
जौ
स्वपर गुन पहिचान रे जिय स्वपर गुन पहिचान । सत परमपुरिष महान रे जिय । । १ ।। रे जिय.
तूं सुछंद अनंद मंदिर पद अमूरतिवान ।
मन वचन तन कौ पसारौ सो सकल परजान ।। २ ।। रे जिय०
चेतना गुन चिन्ह तेरौ प्रगट दरसन ज्ञान ।
जड सपरसादिक सुमूरति पुद्गलीक दुकान । । ३ । ।रे जिय.
नरक नर पसु देव पदवी धरि सुभरम भुलान । कर्म की रचना सवै तू कर्म कौ करता । । ४ । । रे जिय.
नाँहि तेरैं क्रोध मायालोभ मोह न मान ।
नाँहि पुनि तेरैं चतुर्दस मार्गना गुनठान । । ५ । । रे जिय.
पंच दर्व सरीर आदि सु जड अचेत अयान । तैं समस्त सुतत्व ग्याइक सहज सुख निधान । । ६ । । रे जिय.
Jain Education International
For Personal & Private Use Only
तूं.
२२१
www.jainelibrary.org
