Page Text
________________
। सत्तमं पाहुडं । [४२] ता के ते सूरियं वरयति आहिताति वएज्जा तत्थ खलु इमाओ वीसं पडिवत्तीओ पन्नत्ताओ तत्थेगे एवमाहंसु-ता मंदरे णं पव्वए सूरियं वरयति आहितेति वएज्जा-एगे पुण एवमाहंसुता मेरु णं पव्वए सूरियं वरयति आहितेति वएज्जा-एवं एएणं अभिलावेणं नेयव्वं जाव पव्वयराए णं पव्वए सूरियं वरयति आहहितेति वएज्जा-वयं पुणं एवं वदामो-ता मंदिरेवि पवुच्चइ तहेव जाव पव्वयराएवि पवुच्चइ ता जे णं पोग्गला सूरियस्स लेसं फुसंति ते णं पोग्गला सूरियं वरयंति अदिहावि णं पोग्गला सूरियं वरयंति चरमलेसंतरगतावि णं पोग्गला सूरियं वरयंति । • मुनि दीपरत्नसागरेण संशोधितः सम्पादित्तश्च सत्तमं पाहुडं समत्तं .
॥ अहमं पाहडं । [४३] ता कहं ते उदयसंठिती आहितेति वएज्जा तत्थ खलु इमाओ तिण्णि पडिवत्तीओ पण्णत्ताओ तत्थेगे एवमाहंसु-ता जया णं जंबुद्दीवे दीवे दाहिणड्ढे अट्ठारसमुहुत्ते दिवसे भवइ तया णं उत्तरड्ढेवि अट्ठारसमुहुत्ते दिवसे भवइ ता जया णं उत्तरड्ढे अट्ठारसमुहुत्ते दिवसे भवइ तया णं दाहिणड्ढेवि अट्ठारसमुहुत्ते दिवसे भवइ ता जया णं जंबुद्दीवे दीवे दाहिणड्ढे सत्तरसमुहुत्ते दिवसे भवइ तया णं उत्तरड्ढेवि सत्तरसमुहुत्ते दिवसे भवइ ता जया णं उत्तरड्ढे सत्तरसमुहुत्ते दिवसे भवइ तया णं दाहिणड्ढेवि पाहडं-८
सत्तरसम्हत्ते दिवसे भवइ एवं परिहावेत्तव्वं-सोलसमुहुत्ते दिवसे पन्नरसमुहुत्ते दिवसे चउद्दसमुहुत्ते दिवसे तेरसमुहुत्ते दिवसे जाव ता जया णं जंबुद्दीवे दीवे दाहिणड्ढे बारसमुहुत्ते दिवसे भवइ तया णं उत्तरड्ढेवि बारसमुहुत्ते दिवसे भवइ ता जया णं उत्तरड्ढे बारसमुहुत्ते दिवसे भवइ तया णं दाहिणड्ढेवि बारसमुहुत्ते दिवसे भवइ ता जया णं दाहिणड्ढे बारसमुहुत्ते दिवसे भवइ तया ण जंबुद्दीवे दीवे मंदरस्स पव्वयस्स पुरत्थिमपच्चत्थिमे णं सदा पन्नरसमुहुत्ते दिवसे भवइ सदा पन्नरसमुहुत्ता राती भवति अवट्ठिया णं तत्थ राइंदिया पन्नत्ता समणाउसो एगे एवमाहंसु एगे पुण एवमाहंसु-ता जया गंजंबुद्दीवे दीवे दाहिणड्ढे अट्ठार-समुहुत्ताणंतरे दिवसे भवइ तया णं उत्तरड्ढेवि अट्टारसमुहुत्ताणंतरे दिवसे भवइ ता जया णं उत्तरड्ढे अट्ठारसमुहुत्ताणंतरे दिवसे भवइ तया णं दाहिणड्ढेवि अट्ठारसमुहुत्ताणंतरे दिवसे भवइ एवं परिहावेतव्वं-सत्तरसमुहुत्ताणंतरे दिवसे भवइ सोलसमुहुत्ताणंतरे दिवसे भवइ पन्नरसमुहुत्ताणंतरे दिवसे भवइ चोद्दस-मुहुत्ताणंतरे दिवसे भवइ तेरसमुहुत्ताणंतरे दिवसे भवइ ता जया णं जंबुद्दीवे दीवे दाहिणड्ढे बारसमुहुत्ताणंतरे दिवसे भवइ तया णं उत्तरड्ढेवि बारसमुहुत्ताणंतरे दिवसे भवइ ता जया णं उत्तरड्ढे बारसमुहुत्ताणंतरे दिवसे भवइ तया णं दाहिणड्ढेवि बारसमुहुत्ताणंतरे दिवसे भवइ तया णं जंबुद्दीवे दीवे मंदरस्स पव्वयस्स पुरत्थिमपच्चत्थिमे णं नो सदा पन्नरसमुहुत्ते दिवसे भवइ नो सदा पन्नरसमुहुत्ता राती भवति अणवद्विता णं तत्थ राइंदिया पन्नत्ता समणाउसो एगे पुण एवमाहंसु-ता जया णं जंबुद्दीवे दीवे दाहिणड्ढे अट्ठार-समुहुत्ते दिवसे भवइ तया णं उत्तरड्ढे दुवालसमुहुत्ता राती भवति ता जया णं उत्तरड्ढे अट्ठारसमुहुत्ते दिवसे भवइ तया णं दाहिणड्ढे दुवालसमुहुत्ता राती भवति ता जया णं दाहिणड्ढे अट्ठारसमुहुत्ताणंतरे दिवसे भवइ तया णं उत्तरड्ढे दुवालसमुहुत्ता राती भवति ता जया णं उत्तरड्ढे अट्ठारसमुहुत्ताणंतरे दिवसे भवइ तया णं दाहिणड्ढे दुवालसमुहुत्ता राती भवति एवं नेतव्वं सगवेहिं य दीपरत्नसागर संशोधितः]
[20] -
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |