________________
नव य सता लवणजले तारागणकोडिकोडीणं ।। [१३६]ता लवणसमुदं धायईसंडे नाम दीवे वट्टे वलयागारसंठाणसंठिते तहेव जाव नो विसमचक्कवालसंठिते धायईसंडे णं दीवे केवतियं चक्कवालविक्खंभेणं केवतियं परिक्खेवेणं आहितेति वदेज्जा ता चत्तारि जोयणसतसहस्साई चक्कवालविक्खंभेणं ईतालीसं जोयणसतसहस्साइं दस य सहस्साई नव यएगटे जोयणसते किंचिविसेसूणे परिक्खेवेणं आहितेति वदेज्जा घायईसंडे दीवे केवतिया चंदा पभासेंसु वा पुच्छा तहेव ता धायइ संडे णं दीवे बारस चंदा पभासेंसु वा पभासेंति वा पभासिस्संति वा बारस सूरिया तवेंस् वा तवेंति वा तविस्संति वा तिण्णि छत्तीसा नक्खत्तसया जोयं जोएसं वा जोएंति वा जोइस्संति वा एगं छप्पण्णं महग्गहसहस्सं चारं चरिंसु वा चरिंति वा चरिस्संति वा ।
[१३७] अद्वेव सयसहस्सा तिणि सहस्साई सत्तयसयाइं ।
एगससी परिवारो तारागणकोडिकोडीणं ।
[सोभं सोभेसु वा सोभेति वा सोभिस्संति वा] [१३८] घायईसंडपरिरओ ईताल दस्त्तरा सतसहस्सा ।
नव सया य एगट्ठा किंचिविसेसेण परिहीणा । [१३९] चउवीसं ससिरविणो नक्खत्तसया य तिण्णि छत्तीसा
एग च गहसहस्सं छप्पण्णं घायईसंडे । [१४०] अद्वेव सतसहस्सा तिण्णि सहस्साइं सत्त य सताइं ।
घायईसंडे दीवे तारागणकोडिकोडीणं । [१४१]ता घायईसंडं णं दीवे कालोए नामं समुद्दे वट्टे वलयागारसंठाणसंठिते जाव नो विसमचक्कवालसंठाणसंठिते ता कालोए णं समुद्दे केवतियं चक्कवालविक्खंभेणं केवतियं परिक्खवेणं आहितेति वदेज्जा ता कालोए णं समुद्दे अट्ठ जोयणसतसहस्साइं चक्कवालविक्खंभेणं पन्नत्ते एक्काणउतिं जोयणसतसहस्साइं सत्तरिं चसहस्साइं छच्च पंचुत्तरे जोयणसते किंचिविसेसाहिए परिक्खेवेणं आहितेति वदेज्जा ता कालोए णं समुद्दे० बातालीसं चंदा पभासेंसु वा पभासेंति वा पभासिस्संति वा बातालीसं सूरिया पाहुडं-१९
तवेंसु वा तवेंति वा तविस्संति वा एक्कारस बावत्तरा नक्खत्तसया जोयं जोइंसु वा जोएंति वा जोइस्संति वा तिण्णि सहस्सा छच्च छण्णउया महग्गहसया चारं चरिंसु वा चरेंति वा चरिस्संति वा अट्ठावीसं सयसहस्साइंबारसयसहस्साइं नवयसताई पन्नासा तारागणकोडिकोडीओ सोभं सोभेसु वा सोभंति वा सोभिस्संति वा ।
[१४२] एक्काणउतिं सतराइं सहस्साई परिरओ तस्स ।
अहियाइं छच्च पंचुत्तराई कालोदधिवरस्स । [१४३] बातालीसं चंदा बातालीसं च दिणकरा दित्ता ।
कालोदहिंमि एते चरंति संबद्धलेसागा । [१४४] नक्खत्तसहस्सं एगमेव छावत्तरं च सयमण्णं ।
छच्च सयाछण्णउया महग्गहा तिण्णि य सहस्सा ।
[१४५] अट्ठावीसं कालोदहिँमि बारस य सहस्साइं । दीपरत्नसागर संशोधितः]
[56]
[१६-सूरपन्नत्ति]
