Page Text
________________
अहोरत्तेहिं चरति एक्कतीसाए भागेहिं अहिएहिं चउहिं बातालेहिं सतेहिं राइदियं छेत्ता ता एगमेगं मंडलं सूरे दोहिं अहोरत्तेहिं चरति ता एगमेगं मंडलं नक्खत्त दोहिं अहोरत्तेहिं चरति दोहिं भागेहिं ऊणेहिं तिहिं सत्तसट्ठेहिं सतेहिं राइंदियं छेत्ता ता जुगेणं चंदे अट्ठ चुलसीते मंडलसते चरति ता जुगेणं सूरे नव पन्नरसमंडलसते चरत ता जुगेणं नक्खत्ते कति मंडलाई चरति ता अट्ठारस पणतीसे दुभागमंडलसते चरति इच्चेसा मुहुत्तगती रिक्खातिमास - राइंदिय - जुग - मंडलपविभत्ती सिग्धगती वत्थू आहितेति बेमि । मुनि दीपरत्नसागरेण संशोधितः सम्पादित्तश्च पन्नरसमं पाहुडं समत्तं • [] सोलसमं पाहुडं []
[११५]ता कहं ते दोसिणालक्खणे आहितेति वदेज्जा ता चंदलेस्सा इ य दोसिणा इ य दोसिणा इ य चंदलेस्सा इ य के अट्ठि किं लक्खणे ता एगट्ठे एगलक्खणे ता सूरलेस्सा इ य आवे इ आतवे इ य सूरलेस्सा इ य के अट्ठे किं लक्खणे ता एगट्ठे एगलक्खणे ता अंधकारे इ य छाया इ य छाया य अंधकारे इ य के अट्ठे किं लक्खणे ता एगट्टे एगलक्खणे ।
O
मुनि दीपरत्नसागरेण संशोधितः सम्पादित्तश्च सोलसमं पाहुडं समत्तं [] सत्तरसमं पाहुडं []
[११६]ता कहं ते चयणोववाता आहिताति वदेज्जा तत्थ खलु इमाओ पणवीसं पडिवत्तीओ पन्नत्ताओ तत्थ एगे एवमाहंसु-ता अनुसमयमेव चंदिमसूरिया अन्ने चयंति अण्णे उववज्जंति-गे एवमाहंसु-ता अनुमुहुत्तमेव चंदिमसूरिया अण्णे चयंति अण्णे उववज्जंति एवं जहेव हेट्ठा तहेव जाव ता पाहुडं-१७
o
०
एगे पुण एवमाहंसुता अणुओसप्पिणिउस्सप्पिणिमेव चंदिमसूरिया अण्णे चयंति उववज्जंति-वयं पुण एवं वदामो-ता चंदिमसूरिया णं देवा महिड्ढिया महाजुतीया महाबला महाजसा महाणुभावा महासोक्खा वरवत्थधरा वरमल्लधरा वरगंधधरा वराभरणधरा अव्वोच्छित्तिणयट्टयाए काले अण्णे चयंति अण्णे उववज्जंति आहिताति वदेज्जा ।
o
मुनि दीपरत्नसागरेण संशोधितः सम्पादित्तश्च सत्तरसमं पाहुडं समत्तं [] अट्ठारसमं पाहुडं []
[११७]ता कहं ते उच्चते आहितेति वदेज्जा तत्थ खलु इमाओ पणवीसं पडिवत्तीओ पन्नत्ताओ तत्थेगे एवमाहंसु-ता एगं जोयणसहस्सं सूरे उड्ढं उच्चत्तेणं दिवड्ढं चंदे-गे पुणं एवमाहंसु-ता दो जोयणसहस्साइं सूरे उड्ढं उच्चत्तेणं अड्ढाइज्जाई चंदे - एगे पुण एवमाहंसु-ता तिण्णि जोयणसहस्साइं सूरे उड्ढं उच्चत्तेणं अद्धट्ठाई चंदे - एगे पुणं एवमाहंसु-ता चत्तारि जोयणसहस्साइं सूरे उड्ढं उच्चत्तेणं अद्धपंचमाइं चंदे-एगे पुण एवमाहंसु-ता पंच जोयणसहस्साइं सूरे उड्ढं उच्चत्तेणं अद्धछट्ठाई चंदे-एगे पुण एवमाहंसु-ता छ जोयणसहस्साइं सूरे उड्ढं उच्चत्तेणं अद्धसत्तमाइं चंदे - एगे पुण एवमाहंसु-ता सत्त जोयणसहस्साइं सूरे उड्ढं उच्चत्तेणं अद्धट्ठाई चंदे - एगे पुणं एवमाहंसु-ता अट्ठ जोयणसहस्साइं सूरे उड्ढं उच्चत्तेणं अद्धवणमाइं चंदे - एगे पुण एवमाहंसु-ता नव जोयणसहस्साइं सूरे उड्ढं उच्चत्तेणं अद्धएक्कारस चंद-एगेपुण एवमाहंसु-ता एक्कारस जोयणसहस्साइं सूरे उड्ढे उच्चत्तेणं अद्घबारस चंदे चोद्दस सूरे अद्धपन्नरस चंदे पन्नरस सूरे अद्धसोलस चंदे सोलस सूरे अद्धसत्तरस चंदे सत्तरस सूरे अद्धट्ठारस चंदे [दीपरत्नसागर संशोधितः]
[51]
[१६-सूरपन्नत्ति]
०
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |