Page Text
________________
[१८८] परमत्थसंथवो वा सुदिट्ठपरमत्थसेवणा वा वि ।
वावण्ण-कुदंसणवज्जणा य सम्मत्तसद्दहणा । [१८९] निस्संकिय निक्कंखिय निव्वितिगिच्छा अमूढदिट्ठी य ।
उववूह थिरीकरणे वच्छल्ल पभावणे अट्ठ । [१९०] से त्तं सरागदंसणारिया, से किं तं वीयरागदंसणारिया-दुविहा पन्नत्ता तं जहाउवसंतकसायवीयरागदंसणारिया खीणकसायवीयरागदंसणारिया से किं तंउवसंतकसायवीयरागदंसणारियादविहा पन्नत्ता तं जहा- पढमसमयउवसंतकसायवीयरागदंसणारिया अपढमसमयउवसंतकसायवीयरागदंसणारिया अहवा चरिमसमयउवसंतकसायवीयरागदंसणारिया य अचरिमसमयउवसंतकसायवीयरागदंसणारिया य, से किं तं खीणकसायवीयरागदंसणारिया-दुविहा पन्नत्ता तं जहा- छउमत्थखीणकसायवीयरागदंसणारिया य केवलिखीणकसायवीयरागदसणारिया य, से किं तं छउमत्थखीणकसायवीयरागदंसणारियादुविहा पन्नत्ता तं जहा- सयंबुद्धछउमत्थखीणकसायवीयरागदंसणारिया य बुद्धबोहियछउमत्थखीणकसायवीयरागदसणारिया य, से किं तं सयंबुद्धछउमत्थखीणकसायवीयरागदंसणारिया-दुविहा पन्नत्ता तं जहापढमसमयसयंबुद्धछउमत्थखीणकसायवीयराग-दंसणारिया य अपढमसमयसयंबुद्धछउमत्थखीणकसायवीयपद-१
रागदंसणारिया य अहवा चरिमसमयसयंबुद्धछउमत्थखीणकसायवीयरागदंसणारिया य अचरिमसमयसयंबुद्धछउमत्थखीणकसायवीयरागदंसणारिया य, सेत्तं सयंबुद्धछउमत्थखीणकसायवीयरागदंसणारिया, से किं तं बुद्धबोहियछउमत्थखीणकसायवीयरागदसणारिया-दुविहा पन्नत्ता तं जहा- पढम समयबुद्धबोहियछउमत्थखीणकसायवीयरागदंसणारियाय अपढमसमयबुद्धबोहियछउमत्थखीणकसायवीयरागदंसणारिया य अहवा चरिमसमयबुद्धबोहियछउमत्थखीणकसायवीयरागदंसणारिया य अचरिमसमयबुद्धबोहियछउमत्थखीणकसायवीयरागदंसणारिया य से त्तं बुद्धबोहियछउमत्थखीणकसायवीतरागदंसणारिया से त्तं छउमत्थखीणकसायवीयरागदंसणारिया ।
से किं तं केवलिखीणकसायवीतरागदंसणारिया-दुविहा पन्नत्ता तं जहा- सजोगिकेवलिखीणकसायवीतरागदंसणारिया य अजोगिकेवलिखीणकसायवीतरागदंसणारिया य, से किं तं सजोगिकेवलि-खीणकसायवीतरागदंसणारिया-विहा पन्नत्ता तं जहा- पढमसमयसजोगिकेवलिखीणकसायवीतरागदंस-णारिया अपढमसमयजोगिकेवलिखीणकसायवीतरागदसणारिया य अहवा चरिमसमयसजोगिकेवलिखीण-कसाय-वीतरागदंसणारिया य अचरिमसमयसजोगिकेवलिखीणकसायवीतरागदंसणारिया य से त्तं सजोगिकेवलिखीणकसायवीतरागदंसणारिया, से किं तं अजोगिकेवलिखीणकसायवीयरागदसणारिया-विहा पन्नत्ता तं जहापढमसमयओजोगिकेवलिखीणकसायवीतरागदंसणारिया य अपढमसमयअजोगिकेवलिखीणकसायवीतरागदंसणारिया य अहवा चरिमसमयअजोगिकेवलिखीणकसायवीतरागदंसणारियाय अचरिम-समयअजोगिकेवलि खीणकसायवीयरागदंसणारिया य से त्तं अजोगिकेवलिखीणकसायवीतरागदसणारिया से त्तं केवलिखीणकसाय वीतरागदंसणारिया से त्तं खीणकसायवीतरागदंसणारिया से त्तं वीयरागदसणारिया से त्तं दंसणारिया,
से किं तं चरित्तारिया-दुविहा पन्नत्ता तं जहा- सरागचरित्तारिया य वीयरागचरित्तारिया य, से किं तं सरागचरित्तारिया-दुविहा पन्नत्ता तं जहा- सुहमसंपरायसरागचरित्तारिया य बायरसंपरायसराग-चरित्तारिया य से किं तं सुहमसंपरायसरागचरित्तरियादुविहा पन्नत्ता तं जहा
दीपरत्नसागर संशोधितः]
[21]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |