Page Text
________________
[६८] एतेसि णं भंते नेरइयनपुंसगाणं तिरिक्खजोणियनपुंसगाणं मणुस्सनपुंसगाणं य कतरे कतरेहिंतो जाव वा गोयमा सव्वत्थोवा मणुस्सनपुंसगा, नेरइयनपुंसगा असंखेज्जगुणा तिरिक्खजोणियनपुंसगा अनंतगुणा एतेसि णं भंते नेरइयनपुंसगाणं-रयणप्पहापुढविनेरइनपुंसगाणं जाव अहेसत्तमपुढविणेरइनपुंसगाणं य करे कतरेहितो अप्पा वा बहुया वा तुल्ला वा विसेसाहिया वा गोयमा सव्वत्थोवा अहेसत्तमपुढविनेरइयनपुंसगा छट्ठपुढविणेरइनपुंसगा असंखेज्जगुणा जाव दोच्चपुढविनेरइयनपुंसगा असंखेज्जगुणा इमीसे रयणप्पभाए पुढवीए नेरइयनपुंसगा असंखेज्जगुणा एतेसि णं भंते तिरिक्खजोणियनपुंसगाणं-एगिदियतिरिक्खजोणियं नपुंसगाणं पुढविकाइयएगिंदियतिरिक्खजोणियनपुंसगाणं जाव वणस्सतिकाइयएगिंदियतिरिक्खजोणियनपुंसगाणं बेइंदियतेइंदियचउरिंदियतिरिक्खजोणियनपुंसगाणं पंचेंदियतिरिक्खजोणियनपुंसगाणं-जलयराणं थयलयराणं खहयराणं य कतरे कतरेहिंतो जाव विसेसाहिया वा गोयमा सव्वत्थोवा खहयरतिरिक्खजोणियनपुंसगा थलयरतिरिक्खजोणियनपुंसगा संखेज्जगुणा जलयरतिरिक्खजोणियनपुंसगा संखेज्जगुणा चरिंदियतिरिक्खजोणियनपुंसगा विसेसाहिया तेउक्काइयएगिदियतिरिक्खजोणियनपंसगा असंखेज्जगणा पढविक्काइयएगिंदियतिरिक्खजोणियनपंसगा विसेसाहिया आऊ वाउ विसेसाहिया वणस्सतिकाइएगि-दियतिरिक्खजोणियनपुंसगा अनंतगुणा ।
एतेसि णं भंते मणुस्सनपुंसगाण-कम्मभूमिनपुंसगाणं अकम्मभूमिनपुंसगाणं अंतरदीवग्गनपुंसगाणं य कतरे कतरेहिंतो जाव विसेसाहिया वा गोयमा सव्वत्थोवा अंतरदीवमअकम्मभूमगणुस्सनपुंसगा देवकुरुउत्तरकुरुअकम्मभूमगा दोवि संखेज्जगुणा एवं जाव पुव्वविदेहअवरविदेहकम्मभूमगा दोवि संखेज्जगुणा एतेसि णं भंते नेरइयनपुंसगाणं-रयणप्पभापुढविनेरइयनपुंसगाणं जाव अधेसत्तमापुढविनेरइयनपुंसगाणं तिरिक्खजोणियनपुंसगाणं-एगिंदियतिरिक्खजोणियाणं पुढविकाइयएगिदियतिरिक्खजोणियनपुंसगाणं जाव वणस्सतिकाइय बेइंदियतेइंदियचउरिंदियतिरिक्खजोणियनपुंसगाणं पंचिदियतिरिक्खजोणियनपुंसगाणं-जलयराणं थलयराणं खहयराणं मणुस्सनपुंसगाणं-कम्मभूमिगाणं अकम्मभूमिगाणं अंतरदीवगाणं य कतरे कतरेहितो जाव विसेसाहिया वा गोयमा सव्वत्थोवा अधेसत्तमपुढविनेरइयनपुंसगा छट्ठपुढविनेरइयनपुंसगा असंखेज्जगुणा जाव दोच्चपुढविनेरइयनपुंसगा असंखेज्जगुणा अंतरदीवगमणुस्सनपुंसगा असंखेजगुणा देवकुरुउत्तरकुरुअकम्मभूमिगमणुस्सनपुंसगा दोवि संखेज्जगुणा जाव पुव्विविदेहअवरविदेहकम्मभूमगमणुस्सनपुंसगा दोवि संखेज्जगुणा रयणप्पभापुढविनेरइयनपुंसगा असंखेज्जगुणा खहयरावि असंखेज्जगुणा थलयरा संखेज्जगुणा जलयरपंचेंदियतिरिक्खजोणियनपुंसगा संखेज्जगुणा चरिंदियतिरिक्खजोणियनपुंसगा विसेसाहिया तेइंदियावि विसेसाहिया बेइंदियावि विसेसाहिया तेउक्काइएगिंदियतिरिक्खजोणियनपुंसगा असंखेज्जगुणा पुढविकाइयएगिदियतिरिक्खजोमियनपुंसगा विसेसाहिया आउक्काइय विसेसाहिया वुक्काइय विसेसाहिया वणस्सइकाएगिंदियतिरिक्खजोणियनपुंसगा अनंतगुणा |
[६९] नपुंसगवेदस्स णं भंते कम्मस्स केवतियं कालं बंधठिती पन्नत्ता गोयमा जहण्णेणं पडिवत्ति-२
सागरोवमस्स दोण्णि सत्तभागा पलिओवमस्स असंखेज्जतिभागेणं ऊणगा उक्कोसेणं वीसं सागरोवमकोडाकोडीओ दोण्णि य वाससहस्साइं अबाधा अबाहूणिया कम्मठिती कम्मनिसेगो, नपुंसगवेदे णं भंते किंपगारे पन्नत्ते गोयमा महानगरदाहसमाणे पन्नत्ते समणाउसो से तं नपुंसगा ।
[७०] एतासि णं भंते इत्थीणं पुरिसाणं नपुंसगाण य कतरे कतरेहिंतो अप्पा वा जाव विसेसाहिया वा गोयमा सव्वत्थोवा पुरिसा, इत्थीओ संखेज्जगुणाओ नपुंसगा अनंतगुणा एतासि णं भंते
[दीपरत्नसागर संशोधितः]
[21]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |