Page Text
________________
सतं-३, वग्गो - ,सत्तंसत्तं- , उद्देसो-२
ता जाव बत्तीसइबद्धं नट्टविहिं उवदंसेइ, २ जामेव दिसिं पाब्भूए तामेव दिसिं पडिगते।
एवं खल गोयमा! चमरेणं असुरिंदेणं असुररण्णा सा दिव्वा देविड़ढी लद्धा पत्ता जाव अभिसमन्नागया। ठिती सागरोवमं। महाविदेहे वासे सिज्झिहिति जाव अंतं काहिति।
[१७७] किं पत्तियं णं भंते! असुरकुमारा देवा उड्ढं उप्पयंति जाव सोहम्मो कप्पो? गोयमा! तेसिं णं देवाणं अहङ्गोववन्नगाण वा चरिमभवत्थाण वा इमेयारूवे अज्झित्थिए जाव समुप्पज्जति-अहो! णं अम्हेहिं देव्वा देविड्ढी लद्धा पत्ता जाव अभिसमन्नागया। जारिसिया णं अम्हेहिं दिव्वा देविड्ढी जाव अभिसमन्नागया तारिसिया णं सक्केणं देविंदेणं देवरण्णा दिव्वा देविड्ढी जाव अभिसमन्नागया, जारिसिया णं सक्केणं देविंदेणं देवरण्णा जाव अभिसमन्नागया तारिसिया णं अम्हेहिं वि जाव अभिसमन्नागया। तं गच्छामो णं सक्कस्स देविंदस्स देवरण्णो अंतियं पातुब्भवामो, पासामो ता सक्कस्स देविंदस्स देवरण्णो दिव्वं देविड्ढिं जाव अभिसमन्नागयं, पासतु ताव अम्ह वि सक्के देविंदे देवराया दिव्वं देविड्ढिं जाव अभिसमण्णागयं, तं जाणामो ताव सक्कस्स देविंदस्स देवरण्णो दिव्वं देविडिढं जाव अभिसमन्नागयं, जाण ताव अम्ह वि सक्के देविंदे देवराया दिव्वं देविढिं जाव अभिसमण्णागयं। एवं खलु गोयमा! असुरकुमारा देवा उड्ढे उप्पयंति जाव सोहम्मो कप्पो। सेवं भंते! सेवं भंते! ति.।
*तइय सए बीइओ उद्देसो समत्तो
0 तइओ उद्देसओ० [१७८] तेणं कालेणं तेणं समएणं रायगिहे नामं नगरे होत्था जाव परिसा पडिगया। तेणं कालेणं तेणं समएणं जाव अंतेवासी मंडियपुत्ते णामं अणगारे पगतिभद्दए जाव पज्जुवासमाणे एवं वदासी
कति णं भंते! किरियाओ पण्णत्ताओ? मंडियपत्ता! पंच किरियाओ पण्णताओ, तं जहा-काइया अहिगरणिया पाओसिया पारियावणिया पाणातिवातकिरिया।
___ काइया णं भंते! किरिया कतिविहा पण्णता? मंडियपुता! दुविहा पण्णता, तं जहाअणुवरयकायकिरिया य दुप्पठत्तकायकिरिया य।
अधिगरणिया णं भंते! किरिया कतिविहा पण्णता? मंडियपुत्ता! दुविहा पण्णता, तं जहासंजोयणाहिगरणकिरिया य निव्वत्तणाहिगरणकिरिया य।
पादोसिया णं भंते! किरिया कतिविहा पण्णता? मंडियपुत्ता! द्विहा पण्णता, तं जहाजीवपादोसिया य अजीवपादोसिया य।
पारितावणिया णं भंते! किरिया कइविहा पण्णता? मंडियपुत्ता! विहा पण्णता, तं जहासहत्थपारितावणिगा य परहत्थपारितावणिगा य।
पाणातिवातकिरिया णं भंते!. पुच्छा। मंडियपुत्ता! दुविहा पण्णता, तं जहा-सहत्थ पाणातिवातकिरिया य परहत्थपाणातिवातकिरिया य।
[१७९] पुट्विं भंते! किरिया पच्छा वेदणा? पुट्विं वेदणा पच्छा किरिया? मंडियपुत्ता! पुट्विं किरिया, पच्छा वेदणा; णो पव्विं वेदणा, पच्छा किरिया।
[१८०] अत्थि णं भंते! समणाणं निग्गंथाणं किरिया कज्जइ? हंता, अत्थि।
[दीपरत्नसागर संशोधितः]]
[67]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |