Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 59

जोयणसयसहस्सं आयामेणं पण्णासं जोयणसहस्साई विक्खंभेणं दसजोयणसताई उव्वेहेणं, तासि णं पक्खरिणीणं पत्तेयं-पत्तेयं चउद्दिसिं चत्तारि तिसोवाणपडिरूवगा पन्नत्ता, तेसि णं तिसोवाणपडिरूवगाणं पुरतो चत्तारि तोरणा पन्नत्ता तं जहा- पुत्थिमे णं दाहिणे णं पच्चत्थिमे णं उत्तरे णं, तासि णं पुक्खरिणीणं पत्तेयं-पत्तेयं चउद्दिसिं चत्तारि वणसंडा पन्नत्ता तं जहा- पुरतो दाहिणे णं पच्चत्थिमे णं उत्तरे णं,
तासि णं पुक्खरिणीणं बहुमज्झदेसभागे चत्तारि दधिमुहगपव्वया पन्नत्ता ते णं दधिम्हगपव्वया चउसद्धिं जोयणसहस्साई उड्ढं उच्चत्तेणं एग जोयणसहस्सं उव्वेहेणं सव्वत्थ समा पल्लगसंठाणसंठिता दस जोयणसहस्साई विक्खंभेणं एक्कतीसं जोयणसहस्साई छच्च तेवीसे जोयणसते परिक्खेवेणं, सव्वरयणामया अच्छा जाव पडिरूवा, तेसि णं दधिमुहगपव्वताणं उवरि बहसमरमणिज्जा भूमिभागा पन्नत्ता सेसं जहेव अंजणगपव्वताणं तहेव निरवसेसं भाणियव्वं, जाव चूतवणं उत्तरे पासे,
तत्थ णं जे से दाहिणिल्ले अंजणगपव्वत्ते तस्स णं चउदिसिं चत्तारि नंदाओ पक्खरिणीओ पन्नत्ताओ, तं जहा- भद्दा विसाला कुमुदा पोंडरीगिणी, ताओ णं नंदाओ पुक्खरिणीओ एगं जोयणसयसहस्सं सेसं तं चेव जाव दधिमूहगपव्वता जाव वणसंडा, तत्थ णं जे से पच्चत्थिमिल्ले अंजणगव्वते तस्स णं छउद्दिसिं चत्तारि नंदाओ पुक्खरिणीओ पन्नत्ताओ तं जहा- नंदिसेणा अमोहा गोथूमा सुदंसणा, सेसं तं चेव तहेव दधिमुहगपव्वता तहेव सिद्धाययणा जाव वणसंडा,
तत्थ णं ज से उत्तरिल्ले अंजणगपव्वते तस्स णं चउद्दिसिं चत्तारि नंदाओ पुक्खरिणीओ पन्नत्ताओ तं जहा- विजया वेजयंति जयंती अपराजिता, ताओ णं नंदाओ पुक्खरिणीओ एगं जोयणसयसहस्सं सेसं तं चेव पमाणं तहेव दधिमुहग-पव्वत्ता तहेव सिद्धाययणा जाव वणसंडा |
नंदीसरवरस्स णं दीवस्स चक्कवाल-विक्खंभस्स बहुमज्झदेसभागे चउसु विदिसासु चत्तारि रतिकरगपव्वता पन्नत्ता तं जहा- उत्तरपत्थिमिल्ले रतिकरग-पव्वए दाहिणपत्थिमिल्ले रतिकरगपव्वए दाहिणपच्चत्थिमिल्ले रतिकरगपव्वए उत्तरपच्चत्थिमिल्ले रतिकरगपव्वए, ते णं रतिकरगपव्वता दस जोयणसयाई उड्ढं उच्चत्तेणं दस गाउय-सताई उव्वेहेणं सव्वत्थ समा झल्लरिसंठाणसंठिता दस जोयणसहस्साई विक्खंभेणं एक्क-तीसं जोयणसहस्साई छच्च तेवीसे जोयणसते परिक्खेवेणं, सव्वरयणामया अच्छा जाव पडिरूवा,
तत्थ णं जे से उत्तरपुरत्थिमिल्ले रतिकरगपव्वते तस्स णं चउद्दिसि ईसाणस्स देविं- इस्स देवरण्णो चउण्हमग्गमहिसीणं जंबद्दीवपमाणाओ चत्तारि रायहाणीओ प० तं०- नंदत्तरा नंदा उत्तरकरा देवकरा, कण्हाए कण्हराईए रामाए रामरक्खियाए, तत्थ णं जे से दाहिणपुरथिमिल्ले रतिकरगपव्वते, तत्थ णं चउद्दिसिं सक्कस्स देविंदस्स देवरण्णो चउण्हमग्गहिसीणं जंबुद्दीवपमाणाओ चत्तारि रायहाणीओ पन्नत्ताओ तं जहा- समणा सोमणसा अच्चिमाली मणोरमा पउमाए सिवाए सतीए अंजुए, तत्थ णं जे से दाहिणपच्चत्थिमिल्ले रतिकरगपव्वते
तत्थ णं चउद्दिसिं सक्कस्स देविंदस्स देवरण्णो चउण्हमग्गमहिसीणं जंबुद्दीवपमाणमेत्ताओ चत्तारि रायहाणीओ पन्नत्ताओ तं जहा- भूता भूतवडेंसा गोथूमा सुंदसणा, अमलाए अच्छराए नवमियाए रोहिणीए । ठाणं-४, उद्देसो-२
तत्थ णं जे से उत्तरपच्चत्थिमिल्ले रतिकरगपव्वते तस्स णं चउद्दिसिमीसाणस्स देविंदस्स
[मुनि दीपरत्नसागर संशोधित:]
[58]
[३-ठाणं]