Page Text
________________
५६४
बुद्दीपण
दोणि य चुण्णियाभाए आयाम विक्खंभेणं, तिण्णिय जोयणस्यसहस्साई पण्णरस जोयणसहस्साई पंच य इगुणापणे' जोयणसए किंचिविसेसाहिए परिक्खेवेणं । एवं खलु एए उवाएणं णिक्खममाणे चंदे तयणंतराओ मंडलाओ तयणंतरं मंडल संकममाणेसंकममाणे बावर्त्तारं-बावर्त्तारि जोयणाई एगावण्णं च एगसट्टिभाए जोयणस्स एगसद्विभागं च सत्ता छेत्ता एवं चचुष्णियाभागं एगमेगे मंडले विक्खंभवुडि अभिवड्ढेमाणे अभिवड्ढेमाणे दो-दो तीसाई जोयणसयाई परिरयवुढि अभिवड्ढेमाणे- अभिवड्ढेमाणे सव्ववाहिरं मंडलं उवसंकमित्ता चारं चरइ ॥
७६. सव्ववाहिरए णं भंते ! चंदमंडले केवइयं आयाम-विक्खंभेणं, केवइयं परिवखेवेणं पण्णत्ते ? गोयमा ! एवं जोयणसयसहस्सं छच्चसट्ठे जोयणसए आयाम विक्खभेणं, तिणि य जोयणसयसहस्साइं अट्ठारस सहस्साइं तिण्णि य पण्णरसुत्तरे जोयणसए परिक्खेवेणं ॥
७७. बाहिराणंतरे णं पुच्छा । गोयमा ! एवं जोयणस्यसहस्सं पंच सत्तासीए' जोयणसए व य एगसट्टिभाए जोयणस्स एगसट्टिभागं च सत्तहा छेत्ता छ चुण्णियाभाए आयामविवखंभेणं, तिण्णि य जोयणसयसहस्साई अट्ठारस सहस्साई पंचासीइं च जोयणाई परिक्खेवेणं ||
७८. बाहिरतच्चे णं भंते ! चंदमंडले जाव' पण्णत्ते ? गोयमा ! एगं जोयणसयसहस्सं पंच य चउदसुत्तरे जोयणसए एगुणवीसं " च एगसट्टिभाए जोयणस्स एगसद्विभागं च सत्ता छेत्ता पंच चुण्णियाभाए आयाम - विक्खंभेणं, तिष्णिय जोयणसयसहस्साई सत्तरस सहस्साइं अट्ठ' य पणपणे जोयणसए परिक्खेवेणं । एवं खलु एएवं उवाएणं पविसमाणे चंदे तयणंतराओ मंडलाओ तयणंतरं मंडलं संकममाणे संकममाणे बावर्त्तारबावर्त्तार जोयणाई एगावण्णं च एगसट्टिभाए जोयणस्स एगसद्विभागं च सत्तहा छेत्ता एवं चुण्णियाभागं एगमेगे मंडले विक्खंभवुद्धिं निवड्ढेमाणे- णिवड्ढेमाणे दो-दो तीसाई* जोयसाई परिरयवुड णिवड्ढेमाणे निवड्ढेमाणे सव्वब्भंतरं मंडलं उवसंकमित्ता चारं
चरइ ||
७६. जया णं भंते ! चंदे सव्वब्भंतरमंडलं उवसंकमित्ता चारं चरइ, तया गं एगमेगेणं मुहुत्तेणं केवइयं खेत्तं गच्छइ ? गोयमा ! पंच जोयणसहस्साइं तेवतरि च जोयणाई सत्तत्तरि च चोयाले भागसए गच्छइ मंडल तेरसहि सहस्सेहिं सत्तहि य पणवीसेहि" सएहिं छेत्ता । तया णं इहगयस्स मणूसस्स सीयालीसाए जोयणसहस्सेहिं दोहिय तेवट्ठेहिं जोयणस एहिं एगवीसाए य सट्टिभाएहिं जोयणस्स चंदे चक्खुप्फासं हव्वमा
गच्छइ ॥
१. अणपणे (अत्रि, ब); अणपणे (क, स ) ; अगुणापरणे ( ख ) ।
२. सं०पा० - चंदे जाव संकममाणे ।
३. सतावी से ( अ, ख, ब)।
४. जं० ७ ७३ ॥
५. अणावी ( अ, क, ख, त्रि,स) ।
Jain Education International
६. सत्त ( अ, क,ख, ब ) 1
७. सं० पा० चंदे जाव संकममाणे
८. असीयाई ( अ, ब ) 1
६. जदा ( अ, क, ख, ब) 1
१०. पणुवी हि ( अ, क, ख, त्रि, ब ) ।
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |