Page Text
________________
छट्ठो वक्खारो
५५१ भवंतीतिमक्खायं ॥
२०. जंबुद्दीवे णं भंते ! दीवे 'हेमवय-हेरण्णवएसु" वासेसु कइ महाणईओ पण्णताओ? गोयमा ! चत्तारि महाणईओ पण्णत्ताओ, तं जहा -रोहिया रोहियंसा सुवण्णकूला रुप्पकूला। तत्थ णं एगमेगा महाणई अट्ठावीसाए-अट्ठावीसाए सलिलासहस्सेहिं समग्गा पुरथिमपच्चत्थिमेणं लवणसमुदं समप्पेइ. एवामेव सपुत्वावरेणं जंबुद्दीवे दीवे . हेमवय - हेरण्णवएसु वासेसु बारसुत्तरे सलिलासयसहस्से भवतीतिमक्खायं ॥
२१. जंबुद्दीवे णं भंते ! दीवे हरिवास-रम्मगवासेसु कइ महाणईओ पण्णत्ताओ? गोयमा ! चत्तारि महाणईओ पण्णत्ताओ, तं जहा----हरी हरिकता पारकंता णरिकता। तत्थ णं एगमेगा महाणई छप्पण्णाए-छप्पण्णाए सलिलासहस्सेहि समग्गा पुरथिमपच्चत्थिमेणं लवणसमुई समप्पेइ ... एदामेव सपुव्वावरेणं जंबुद्दीवे दीवे हरिवास-रम्मगवासेसु दो चउवीसा सलिलासयसहस्सा भवंतीतिमक्खायं ।।
२२. जंबुद्दीवे णं भंते ! दीवे महाविदेहे वासे कइ महाणईओ पण्णत्ताओ? गोयमा! दो महाणईओ पण्णत्ताओ, तं जहा... सीया य सोतोदा य । तत्थ णं एगमेगा महाणई पंचहि-पंचहि सलिलासयसहस्सेहिं बत्तीसाए य सलिलासहस्सेहि समग्गा पुरथिमपच्चत्थिमेणं लवणसमुदं समप्पेइ–एवामेव सपुव्वावरेणं जंबुद्दीवे दीवे महाविदेहे वासे दस सलिलासयसहस्सा चउसद्धिं च सलिलासहस्सा भवतीतिमक्खायं ॥
२३. जंबुद्दीवे णं भंते ! दीवे मंदरस्स' पव्वयस्स दक्खिणेणं केवइया सलिलासयसहस्सा पुरथिमपच्चत्थिमाभिमुहा लवणसमुई समति ? गोयमा ! एगे छण्णउए सलिलासयसहस्से पुरथिमपच्चत्थिमाभिमुहे लवणसमुई समप्पेइ॥
२४. जंबुद्दीवे णं भंते ! दीवे मंदरस्स पव्वयस्स उत्तरेणं केवइया सलिलासयसहस्सा पुरत्थिमपच्चत्थिमाभिमुहा लवणसमुई समति ? गोयमा ! एगे छण्णउए सलिलासयसहस्से पुरथिमपच्चत्थिमाभिमुहे 'लवणसमुई समप्पेइ ।।
२५. जंबुद्दीवे णं भंते ! दीवे केवइया सलिलासयसहस्सा पुरथिमाभिमुहा' लवणसमुदं समति ? गोयमा ! सत्त सलिलासयसहस्सा अट्ठावीसं च सहस्सा पुरथिमाभिमुहा लवणसमुदं समप्येति ॥
२६. जंबुद्दीवे णं भंते ! दीवे केवइया सलिलासयसहस्सा पच्चत्थिमाभिमुहा लवणसमुई समप्यति ? गोयमा! सत्त सलिलासयसहस्सा अट्ठावीसं च सहस्सा पच्चत्थिमाभिमुहा लवणसमुई समप्पेंति -एवामेव सपुव्वावरेणं जंबुद्दीवे दीवे चोद्दस सलिलासयसहस्सा छप्पण्णं च सहस्सा भवंतीतिमक्खायं ।।
१. °मक्खाया (अ,क,ख,त्रि,ब,स)। २. हेमवएरण्णवएमु (अ,क,ख,त्रि,ब,स) अग्रेपि। ३. रुप्पीकूला (त्रि); रुक्मीकूला (हीवृ)। ४. x (अ,त्रि,ब) ।
५. मंदिरस्स (अव) अग्रेपि । ६. सं०पा० -पच्चस्थिमाभिमुहे जाव समप्पेइ। ७. पुरत्याभिमुहा (त्रिप) । ८. सं० पा०-सहस्सा जाब समप्येति ।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |