________________
छट्ठो वक्खारो
५. जंबुद्दीवस्स णं भंते ! दीवस्स पएसा लवणं समृद्दं पुट्टा ? हंता ! पुट्ठा ||
२. ते णं भंते ! कि जंबुद्दीवे दीवे ? लवणे समुद्दे ? गोयमा ! ते णं जंबुद्दीवे दीवे, खलु लवणे मुद्दे ||
३. एवं लवणसमुद्दस्सवि पएसा जंबुद्दीवे दीवे पुट्ठा भाणियव्वा ।।
४. जंबुद्दीवे णं भंते! दीवे जीवा उद्दाइत्ता उद्दात्ता लवणे समुद्दे पच्चायति ? गोमा ! अत्थेगइया पच्चायति, अत्थेगइया नो पञ्चायति ॥
५. एवं लवणसमुद्दस्सवि जंबुद्दीवे दीवे णेयव्वं ।
वाहा
खंडा जोयण वाला, पव्वय कूडा य तित्थ सेढीओ । विजय दह सलिलाओ य, पिंडए होइ संगहणी || १ ||
७. जंबुद्दीवे णं भंते ! दीवे भरहप्पमाणमेत्तेहि खंडेहि केवइयं खंडगणिएणं पण्णत्ते ? गोमा ! णउयं खंडसयं खंडगणिएणं पण्णत्ते ॥
८. जंबुद्दीवे णं भंते ! दीवे केवइयं जोयणगणिएणं पण्णत्ते ? गोयमा !
गाहा
सत्तेव य कोडिसया, णउया छप्पण्ण सयसहस्साई ।
चउणवई' च सहस्सा, सयं दिवड्ढं च गणियपयं ॥ १ ॥
९. जंबुद्दीवे णं भंते! दीवे कइ वासा पण्णत्ता ? गोयमा ! सत्त वासा पण्णत्ता, तं जहा "भरहे एखए" हेमवए हेरण्णवए' हरिवासे रम्मगवासे महाविदेहे ॥
१०. जंबुद्दीवे णं भंते ! दीवे केवइया वासहरा पण्णत्ता ? केवइया मंदरा पाया ? केवइया चित्तकूडा ? केवइया विचित्तकूडा ? केवइया जमगपब्वया ? केवइया कंत्रण - पव्वया ? केवइया वक्खारा ? केवइया दीहवेयड्ढा ? केवइया वट्टवेयड्ढा पण्णत्ता ? गोमा ! जंबुद्दीवे दीवे छ वासहरपन्वथा, एगे मंदरे पव्वए, एगे चित्तकूड़े, एगे विचित्तकुडे, दो जमगपव्वया, दो कंचणगपव्वयसया, वीसं वक्खारपव्वया, चोत्तीसं दीहवेयड्डा, चत्तारि वट्टवेयड्डा एवामेव सपुव्वावरेण जंबुद्दीवे दीवे दुण्णि अउणत्तरा पव्वयस्या भवतीति मक्खायं ||
१. जी० ३१५७३, ५७४। २. जी० ३।५७६
३. जोयणभाइएण (अव) ४. चणउति ( अ, क, ख, त्रि.बस ) ।
Jain Education International
५. भरद्देवए (अ, क, त्रि, ब ) । ६. एरणव (अ, क,ख, त्रि, ब ) ।
७. जवगपव्वया ( अ, ब ) अग्रेपि ।
For Private & Personal Use Only
૪૨
www.jainelibrary.org
