Page Text
________________
तेत्तीसइमं ओहिपयं
जाणंति पासंति ।।
१०. असुरकुमारा णं भंते ! ओहिणा केवतियं खेत्तं जाणंति पासंति ? गोयमा ! जहण्णेणं पणुवीसं जोयणाई, उक्कोसेणं असंखेज्जे दीव-समुद्दे ओहिणा जाणंति पासंति ॥
११. णागकुमारा णं जहणेणं पणुवीसं जोयणाई, उक्कोसेणं संखेज्जे दीव-समुद्दे ओहिणा जाणंति पासंति । एवं जाव थणियकुमारा॥
१२. पंचेंदियतिरिक्खजोणिया णं भंते ! केवतियं खेत्तं ओहिणा जाणंति पासंति ? गोयमा ! जहण्णेणं अंगुलस्स असंखेज्जतिभाग, उक्कोसेणं असंखेज्जे दीव-समुद्दे ।।
१३. मणूसा णं भंते ! ओहिणा केवतियं खेत्तं जाणंति पासंति ? गोयमा ! जहण्णेणं अंगुलस्स असंखेज्जतिभागं, उक्कोसेणं असंखेज्जाइं अलोए लोयपमाणमेत्ताई खंडाई ओहिणा जाणंति पासंति ॥
१४. वाणमंतरा जहा णागकुमारा।।
१५. जोइसिया गं भंते ! केवतियं खेत्तं ओहिणा जाणंति पासंति ? गोयमा ! जहणेणं संखेज्जे दीव-समुद्दे, उक्कोसेण वि संखेज्जे दीव-समुद्दे ।।
१६. सोहम्मगदेवा णं भंते ! केवतियं खेत्तं ओहिणा जाणंति पासंति ? गोयमा ! जहण्णेणं अंगुलस्स असंखेज्जतिभागं, उक्कोसेणं अहे जाव इमीसे रयणप्पभाए पुढवीए हेदिल्ले चरिमंते तिरियं जाव असंखेज्जे दीव-समुद्दे उड्ढं जाव सगाई विमाणाइं ओहिणा जाणंति पासंति । एवं ईसाणगदेवा वि। सणंकुमारदेवा वि एवं चेव, णवरं--अहे जाव दोच्चाए सक्करप्पभाए पुढवीए हेछिल्ले चरिमंते । एवं माहिंदगदेवा वि। बंभलोगलंतगदेवा तच्चाए पुढवीए हेट्टिल्ले चरिमंते। महासुक्क-सहस्सारगदेवा च उत्थीए पंकप्पभाए पुढवीए हेट्ठिल्ले चरिमंते । आणय-पाणय-आरण-अच्चुयदेवा अहे जाव पंचमाए घूमप्पभाए पुढवीए हेछिल्ले चरिमंते । हेटिम-मज्झिमगेवेज्जगदेवा अहे जाव छट्टाए तमाए पुढवीए हेट्ठिल्ले चरिमंते ।।
१७. उवरिमगेवेज्जगदेवा णं भंते ! केवतियं खेत्तं ओहिणा जाणंति पासंति ? गोयमा ! जहण्णणं अंगुलस्स असंखेज्जतिभागं, उक्कोसेणं अहेसत्तमाए पुढवीए हेछिल्ले चरिमंते तिरियं जाव असंखेज्जे दीव-समुद्दे उड्ढे जाव सगाई विमाणाइं ओहिणा जाणंति पासंति ।।
१८. अणुत्तरोववाइयदेवा णं भंते ! केवतियं खेत्तं ओहिणा जाणंति पासंति ? गोयमा ! संभिन्न लोगणालि ओहिणा जाणंति पासंति ।। ओहिसंठाण-पदं
१६. णेरइयाणं भंते ! ओही किसठिए पण्णत्ते ? गोयमा ! तप्पागारसंठिए पण्णत्ते॥
२०. असुरकुमाराणं पुच्छा। गोयमा ! पल्लगसंठिए। एवं जाव थणियकुमाराणं ।।
२१. पंचेंदियतिरिक्खजोणियाणं पुच्छा । गोयमा ! णाणासंठाणसंठिए पण्णत्ते ! एवं
१. सताई (क,घ); सयाति (ख) ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |