Page Text
________________
४६६
जीवाजीवाभिगमे
३०. ' अहवा दुविहा सव्वजीवा पण्णत्ता, तं जहा " गाणी चेव अण्णाणी चेव ॥ ३१. गाणी णं भंते ! णाणीत्ति कालओ केवचिरं होति ? गोयमा ! णाणी दुविहे पण्णत्ते -- सादीए वा अपज्जवसिए, सादीए वा सपज्जवसिए । तत्थ णं जेसे सादीए सपज्जवसिते से जहणणं अंतोमुहुत्त, उक्कोसेणं छावट्टिसागरोवमाई सातिरेगाई ||
३२. अण्णाणी तिविहे जहा सवेदए" ॥
३३. 'णाणिस्स णं भंते ! केवतियं कालं अंतरं होति ? गोयमा ! सादीयस्स अपज्जवसियस पत्थि अंतरं, सादीयस्स सपज्जवसियस्स" जहण्णेणं अंतोमुहुत्तं, उक्कोसेणं अनंतं कालं जाव अवढं पोम्गलपरियट्टं देसूणं ॥
३४. अण्णाणिस्स ' अंतरं अणादीयस्स अपज्जवसियस्स णत्थि अंतरं, अणादीयस्स सज्जवसियस्स" णत्थि अंतरं, सादीयस्स सपज्जवसियस्स जहणणेणं अंतोमुहुत्तं, उक्कोसेणं छाव सागरोवमा साइरेगाई ||
३५. अप्पाबहुयं --- सव्वत्थोवा णाणी, अण्णाणी अनंतगुणा ॥
३६. अहवा दुविहा सव्वजीवा पण्णत्ता - सागारोवउत्ता य अणागारोवउत्ता य, संचिअंतरं जणे उक्कोसेणवि अंतोमुहुत्तं" ।।
३७. अप्पा बहु-- सव्वत्थोवा अणागारोवउत्ता, सागारोवउत्ता संखेज्जगुणा || ३८. अहवा दुविहा सव्वजीवा पण्णत्ता, तं जहा - आहारगा चेव अणाहारगा चैव ॥ ३६. आहारए णं भंते! आहारएत्ति कालओ केवचिरं होति ? गोयमा ! आहारए दुविहे पण्णत्ते, तं जहा -- छउमत्थआहारए य केवलिआहारए य ।।
४०. छउमत्थआहारगस्स जहणणेणं खुड्डागं भवग्गहणं दुसमपूणं, उक्कोसेणं असंखेज्जं कालं - ' असं खेज्जाओ उस्सप्पिणि-ओसप्पिणीओ" कालओ, खेत्तओ अंगुलस्स असंखेज्जतिभागं ॥
४१. केवलिआहारएणं भंते! केवलिआहारएत्ति कालओ केवचिरं होइ ? गोयमा ! जहणेणं अंतोमुहुत्तं, उक्कोसेणं देसूणा पुव्वकोडी ॥
४२. अणाहारए गं भंते ! अणाहारएत्ति कालओ केवचिरं होति ? गोयमा ! अणाहारए दुविहे पण्णत्ते, तं जहा - छउमत्थअणाहारए य केवलिअणाहारए य ॥
४३. छउमत्थअणाहारए णं
भंते! छउमत्थअणाहारएत्ति कालओ' केवचिरं होति ? गोयमा ! जहण्णेणं एक्कं समयं उक्कोसेणं दो समया ॥
४४. केवलिअणाहारए णं भंते! केवलिअणाहारएत्ति कालओ केवचिरं होति ? गोयमा ! केवलिअणाहारए दुविहे पण्णत्ते, तं जहा - सिद्ध केवलिअणाहारए य भवत्थ केवलि -
१.
२. जी० ६१२३ ।
३. अण्णाणी जहा सवेदया (क, ख, ग, ट, त्रि ) । ४. पाणिस्स अंतरं ( क,ख,ग,ट, त्रि) 1 ५. दोहवि आदिल्लाणं (क, ख, ग, ट, श्रि ) । ६. संचिणा दोहवि एवं अंतरपि (ता) ।
(क, ख, ग, ट, त्रि) ।
Jain Education International
७ छउमत्थ आहारए णं जाव केवचिरं होति ? गोमा ! (क, ख, ग, ट,त्रि ) ।
८. जाव (क, ख, ग, ट, त्रि) 1
६. सं० पा०- णं जाव केव चिरं ।
१०. सं० पा० णं जाव केवचिरं ।
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |