Page Text
________________
अट्ठारसमं सतं (तइओ उद्देसो)
अज्जोति ! समणे भगवं महावीरे ते समणे निग्गंथे आमंतित्ता एवं क्यासी-~-- जण्णं अज्जो ! मागंदियपुत्ते अणगारे तुब्भे एवमाइक्ख ति जाव परूवेति-एवं खल अज्जो ! काउलेस्से पुढविकाइए जाव सव्वदुक्खाणं अंतं करेति । एवं खलु अज्जो ! काउलेस्से पाउकाइए जाव सब्वदुक्खाणं अंतं करेति । एवं खलु अज्जो ! काउलेस्से वणस्सइकाइए वि जाव सब्वदुक्खाणं अंतं करेति । सच्चे ण एसमटू । अहं पिण अज्जो ! वमाइक्खामि एवं भासेमि एवं पण्णवेमि एवं परूवेमि... एवं खल अज्जो! कण्हलेसे पटविकाइए कण्हलेसेहितो पढविकाइएहितो जाव सव्वदुक्खाणं अंतं करेति । एवं खलु अज्जो ! नीललेस्से पुढविकाइए जाव सव्वदुक्खाणं अंतं करेति । एवं काउलेस्से वि । जहा पुढवि
काइए एवं ग्राउकाइए वि, एवं वणस्सइकाइए वि । सच्चे णं एसम?।। ६३. सेवं भंते ! सेवं भंते ! त्ति समणा निम्गंथा समण भगवं महावीरं वदति नम
संति, वंदित्ता नमसित्ता जेणेव मागंदियपुत्ते अणगारे तेणेव उवागच्छंति, उवागच्छित्ता मागंदियपुत्तं अणगारं वदंति नमसंति, वंदित्ता नमंसित्ता एयमटुं सम्म
विणएणं भुज्जो-भुज्जो खामेंति ।। ६४. तए णं से मागंदियपुत्ते अणगारे उट्ठाए उद्वेइ, उद्वेत्ता जेणेव समणे भगवं महा
वीरे तेणेव उवागच्छति, उवागच्छित्ता समणं भगवं महावीरं वंदति नमसति,
बंदित्ता नमंसित्ता एवं वयासी६५. अणगारस्स णं भंते ! भावियप्पणो सव्वं कम्मं बंदेमाणस्स सव्वं कम्मं निज्जरे
माणस्स सव्वं मारं मरमाणस्स सव्वं सरीरं विप्पजहमाणस्स, चरिमं कम्म वेदेमाणस्स चरिम कम्म निज्जरेमाणस्स चरिम मारं मरमाणस्स चरिम सरीरं विप्पजहमाणस्स, मारणंतियं कम्म वेदेमाणस्स मारणतियं कम्म निज्जरेमाणस्स मारणंतियं मारं मरमाणस्स मारणतिय सरीरं विप्पजहमाणस्स जे चरिमा निज्जरापोग्गला सुहमा णं ते पोग्गला पण्णत्ता समणाउसो ! सव्वं लोगं पि णं ते ओगाहित्ता णं चिट्ठति ? हंता मागंदियपुत्ता ! अणगारस्स णं भावियप्पणो सव्वं कम्मं वेदेमाणस्स जाव जे चरिमा निज्जरापोग्गला सुहुमा ण ते पोग्गला पण्णत्ता समणाउसो ! सव्व
लोग पि णं ते प्रोगाहित्ता गं चिट्ठति ।। निज्जरापोग्गल-जाणणादि-पदं। ६६. छउमत्थे णं भंते ! मणुस्से तेसि निज्जरापोग्गलाणं किंचि आणत्तं वा नाणत्तं
वा "प्रोमत्तं वा तुच्छत्तं वा गरुयत्तं वा लहुयत्तं वा जाणइ-पासइ ? मागंदियपुत्ता ! नो इणढे समढे॥
१. सं० पा०--एवं जहा इंदियउद्देसए पढमे
जाव वेमाणिया, जाव तत्थ पंजे ते उवउत्ता
ते जाणंति-पासंति, पाहारेति । से तेण?णं निक्खेवो भाणियन्वो।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |