________________
५६०
भगवई एगयो असंखेज्जा संखेज्जपएसिया खंधा, एगयो अणंतपएसिए खंधे भवइ; अहवा एगयो असंखेज्जा असंखेज्जपएसिया खंधा, एगयो अणंतपएसिए खंधे भवइ ; अहवा असंखेज्जा अणंतपएसिया खंधा भवंति । अणंतहा कज्जमाणे
अणंता परमाणुपोग्गला भवंति ।। पोग्गलपरियट्ट-पदं ५१. एएसि णं भंते ! परमाणुपोग्गलाणं साहणणा-भेदाणुवाएणं अणंताणंता
पोग्गलपरियट्टा समणुगतव्वा भवंतीति मक्खाया? हंता गोयमा ! एएसि णं परमाणुपोग्गलाणं साहणणा ' भेदाणुवाएणं अणंताणता
पोग्गलपरियट्टा समणुगंतव्वा भवंतीति° मक्खाया । ८२. कइविहे णं भंते ! पोग्गलपरियट्टे पण्णत्ते ? ।
गोयमा! सत्तविहे पोग्गलपरियट्टे पण्णत्ते, तं जहा - पोरालियपोग्गलपरियट्टे, वेउब्वियपोग्गलपरियट्टे, तेयापोग्गलपरियट्टे, कम्मापोग्गलपरियट्टे, मणपोग्गल
परियट्टे, वइपोग्गलपरियट्टे, प्राणापाणुपोग्गलपरियट्टे ॥ ८३. नेरइयाणं भंते ! कतिविहे पोग्गलपरियट्टे पण्णत्ते ?
गोयमा ! सत्तविहे पोग्गलपरियट्टे पण्णत्ते, तं जहा-ओरालियपोग्गलपरियट्टे, वेउब्वियपोग्गलपरियट्टे जाव' आणापाणुपोग्गलपरियट्टे । एवं जाव'
वेमाणियाण ॥ ८४. एगमेगस्स णं भंते ! नेरइयस्स केवइया पोरालियपोग्गलपरियट्टा अतीता ?
अणंता। केवइया पुरेक्खडा ? कस्सइ अत्थि, कस्सइ नत्थी । जस्सस्थि जहण्णेणं एकको वा दो वा तिण्णि वा,
उक्कोसेणं संखेज्जा वा असंखेज्जा वा अणंता वा ॥ ८५. एगमेगस्स णं भंते ! असुरकुमारस्स केवइया पोरालियपोग्गलपरियट्टा
अतीता? अणंता। केवइया पुरेक्खडा ? कस्सइ अत्थि, कस्सइ नत्थि । जस्सत्थि जहण्णेणं एकको वा दो वा तिग्णि वा, उक्कोसेणं संखेज्जा वा असंखेज्जा वा अणंता वा ।' एवं जाव वेमाणियस्स ।।
१. सं०पा०-साहणणा जाव मक्खाया। २. प्राणपाण° (ख)। ३. भ० १२१८२॥
४. पू० प०२ ५. पुरेक्कडा (अ); पुरक्खडा (क, ता)। ६. सं० पा०- एवं चेव जाव एवं ।
Jain Education International
For Private & Personal Use Only
www.jainelibrary.org
